Сиздерди "Мектеп менен бала бакчалардагы тамак-аштын сапаты — чукул арада кырдаалды жөнгө салуу керек" аттуу тегерек столго чакырабыз.
Иш-чара 23-апрелде саат 11.00дө Sputnik Кыргызстан агенттигинин мультимедиалык маалымат борборунда өтөт.
Расмий маалымат боюнча Кыргызстанда мектептер менен бала бакчаларда ысык тамак уюштурууда көйгөйлөр бар. Борбор калаадагы 121 мектептин 49унда ысык тамак даярдоого тийиштүү шарттар жок. Ашканалардагы жабдыктарды алмаштыруу көйгөйү курч.
2017-жылы 74 мектепке санитардык абал боюнча эскертүү берилсе, 43үнө айып пул салынып, дагы үчөөнүн иши убактылуу токтотулган.
Бала бакчаларда берилген тамак-ашта белок, май, углевод аз экени аныкталган. Бир балага болгон суткалык норма сакталбай келет. Өткөн жылы Бишкектеги 80 бала бакчага эскертүү берилген. Эреженин бузулгандыгы үчүн 77 жетекчи менен жоопкер тараптар айыпка жыгылган.
Көптөгөн ата-энелер тарабынан нааразычылыктар түшүүдө. Алардын айтымында, бала бакчаларда балдарга булочка менен чай гана берилет. Менюда ысык тамак каралган эмес.
Тегерек столдун катышуучулары өлкөдөгү мектептер менен бала бакчалардагы тамак-аштын сапатын талкуулап, көйгөйдү жоюу жолдорун сунушташат.
Катышуучулар:
НИКИТЕНКО Наталья Владимировна — Жогорку Кенештин депутаты;
БУЮКЛЯНОВ Артур Ишханович — Бишкектеги Санитардык-эпидемиологиялык көзөмөл борборунун башкы дарыгери;
ЭЛЬЖУРКАЕВ Мовсар Вахаевич — БУУнун мектептердеги тамак-аш боюнча программасынын КРдеги адиси;
КОШУБАКОВА Мария Ысакуловна — Балдар менен өспүрүмдөрдүн гигиенасы менен ооруларды алдын алуу маселесин караган Санэпид көзөмөл департаментинин санитардык дарыгери;
САЛОМАХИНА Наталья Сергеевна — диетолог;
Билим берүү министрлигинин өкүлү;
Бишкек мэриясынын алдындагы билим берүү башкармалыгынын өкүлү.
