Кыргыздар да, тажиктер да бизге боордош эл. Касым-Жомарт Токаев билдирүү жасады

© Фото / Пресс-служба МИД РФ / Медиабанкка өтүүКазакстандын президенти Касым-Жомарт Токаев. Архив
Казакстандын президенти Касым-Жомарт Токаев. Архив - Sputnik Кыргызстан, 1920, 30.04.2021
Жазылуу
Президент Кыргызстан менен Тажикстандын жетекчилери даанышмандыгын көрсөтүп, бардык маселелерди тынчтык жолу менен чечерине ишеним арткан.
БИШКЕК, 30-апр. — Sputnik. Казакстандын президенти Касым-Жомарт Токаев кыргыз-тажик чек арасындагы жаңжал боюнча билдирүү жасаганын Ак орда билдирди.
Өлкө башчысы Кыргызстан менен Тажикстандын мамлекеттик чек арасындагы кандуу жаңжал тууралуу маалыматты катуу тынчсыздануу менен кабыл алганын белгилеген.
"Кыргыздар да, тажиктер да бизге боордош калк, баарыбызды орток маданий баалуулуктар менен жалпы тарых бириктирип турат. Элибизге толеранттуулук мүнөздүү, өз ара сый мамиледе болуп келгенбиз. Ок атуунун токтоп, эки мамлекеттин тийиштүү өкүлдөрүнүн сүйлөшүүлөрдү баштаганын кош колдоп колдойм", — деди Токаев.
Президент Кыргызстан менен Тажикстандын жетекчилери даанышмандыгын көрсөтүп, бардык маселелерди тынчтык жолу менен чечерине ишеним арткан. Муну менен бирге Токаев абалдан чыгуунун жолун издөөгө салымын кошууга даяр экенин да белгиледи.
Байкоочу мунарада чек арачысы. Архив - Sputnik Кыргызстан, 1920, 30.04.2021
Чыр чыккан аймакта ок атуу токтоду
"Чек ара көйгөйлөрүн жөнгө салуу механизмдерин Борбордук Азия мамлекет башчыларынын кезектеги жолугушуусунда иштеп чыгууга болот деп эсептейм", — деди Токаев.
Эскерте кетсек, буга чейин Кыргызстан менен Тажикстандын чек арасындагы жаңжал боюнча Өзбекстандын Тышкы иштер министрлиги да билдирүү тараткан.
Жаңылыктар түрмөгү
0