04:13 25 Үчтүн айы 2021
Түз эфир
  • USD84.7671
  • EUR103.2421
  • RUB1.1399
Саясат
Кыскача шилтеме алуу
5501 0 0

Буга чейин Жогорку Кеңештин депутатына Кыргызстандан сыртка чыгууга тыюу салынган. Жумалиевге карата Финпол сотко чейинки өндүрүш ачып, мүлкүн териштире баштаган болчу.

БИШКЕК, 4-ноя. — Sputnik. Экономикалык кылмыштуулукка каршы күрөшүү кызматынын өкүлдөрү Жогорку Кеңештин депутаты Кубанычбек Жумалиев менен байланышы бар компаниялардын кеңселерин тинтүүгө алып жатат. Бул тууралуу Sputnik Кыргызстан агенттигине күч структураларындагы ишенимдүү маалымат булагы кабарлады.

Алар жөнөткөн видеодон спецназ менен Финполдун кызматкерлери кеңселерди тинтип жатканын көрүүгө болот.

Маалыматка караганда, тинтүү иштери "Таатан" жана "Гоин" соода борборлорунун аймагындагы кеңселерде жүрүп жатат.

Белгилей кетсек, үстүбүздөгү жылдын май айында Башкы прокуратуранын бирдиктүү реестрине Жазык кодексинин 323 ("Мыйзамсыз баюу") жана 324-беренеси ("Кызмат адамдарынын ишкерликке мыйзамсыз түрдө аралашуусу") боюнча иш катталган. Анын алкагында Жумалиевге карата Финпол сотко чейинки өндүрүш ачып, мүлкүн териштире баштаган болчу.

100 миллион сомго барабар арак алынды. УКМК бизнестеги коррупцияны аныктады

Көп өтпөй бир катар кыймылдуу жана кыймылсыз мүлктүн уставдык капиталында Жумалиевдин үлүшү бар экени белгилүү болгон. Ошондой эле ал уюмдаштыруучу, жетекчи болуп саналары ачыкталган. Мындан тышкары, Жумалиевдин жакын туугандарынын көп сандаган мүлкү аныкталган.

Ошол кезде Финполдун азыркы жетекчиси Сыймык Жапыкеев Кубанычбек Жумалиевди мыйзамсыз баюу боюнча айыптап жүргөн.

Тема боюнча

УКМК кримтөбөл Камчы Көлбаев бошотулат деген кептерге жооп кайтарды
31 млн. сом чыгым. УКМК Ветинспекциянын башчысын кармады
Белгилер:
тинтүү, кеңсе, финансы полициясы, Кубанычбек Жумалиев

ЭҢ МААНИЛҮҮ