БИШКЕК, 11-фев. — Sputnik. Президент Сооронбай Жээнбеков жергиликтүү кеңештердин депутаттарын шайлоо күнүн белгилөө боюнча Жарлыкка кол койду. Бул туурасында президенттин маалымат кызматы билдирди.
Ага ылайык Ош, Каракол жана Токмок шаардык кеңешине шайлоо ушул жылдын 12-апрелинде өтөт. Мындан сырткары, дагы бир нече айылдык, шаардык кеңештердин курамы алмашат.
Алар төмөнкүлөр:
- Баткен облусунун Лейлек районунун Бешкент, Маргун айылдык кеңеши;
- Жалал-Абад облусунун Тогуз-Торо районунун Көк-Ирим, Атай, Аксы районунун Авлетим айылдык кеңеши жана Майлуу-Суу шаардык кеңеши;
- Нарын облусунун Ак-Талаа районунун Баетов, Коңорчок, Жерге-Тал, Жумгал районунун Куйручук, Түгөл-Сай, Таш-Дөбө, Чоң-Дөбө, Кызыл-Жылдыз айылдык кеңеши;
- Ысык-Көл облусунун Жети-Өгүз районунун Оргочор, Ысык-Көл районунун Кум-Бел айылдык кеңеши жана Балыкчы шаардык кеңеши;
- Чүй облусунун Аламүдүн районунун Арашан, Ысык-Ата районунун Милянфан айылдык кеңеши;
- Ош облусунун Алай районунун Будалык, Коңур-Дөбө, Араван районунун Нурабад, Тепе-Коргон, Ноокат районунун Көк-Бел, Кара-Суу районунун Сары-Колот, Өзгөн районунун Алтын-Булак, Мырзаке айылдык кеңеши.
Жарлык расмий жарыяланган күндөн тартып күчүнө кирет.
Ал эми парламенттик шайлоону өткөрүү 2020-жылдын 4-октябрына белгиленгени кабарланган.
