Жогорку сот Албек Ибраимовду камакта калтырды

© Sputnik / Табылды КадырбековБишкектин экс-мэри Албек Ибраимов. Архив
Бишкектин экс-мэри Албек Ибраимов. Архив - Sputnik Кыргызстан
Жазылуу
Экс-мэр камакта 29-августка чейин калмай болду.

БИШКЕК, 15-авг. — Sputnik. Жогорку сот Бишкектин экс-мэри Албек Ибраимовду камакта калтыруу боюнча биринчи инстанциянын чечимин күчүндө калтырды. Бул тууралуу анын жактоочусу Сергей Слесарев билдирди.

Адвокат Биринчи Май райондук соттун Ибраимовду 29-августка чейин камакта калтыруу чечимин жокко чыгаруу боюнча сунуш киргизген. Ага баш коргоо чарасы тандала турган кылмыш ишинин жоктугун жүйө келтирген болчу.

"Эми бир камактагы мөөнөттүн узарышын же иштин сотко өтүшүн күтүп жатабыз", — деди жактоочу.

Ибраимовго каршы козголгон кылмыш иштери

Бишкектин мурунку мэри Албек Ибраимов 19-июль күнү кармалган. УКМКнын тергөө абагында кармалып жаткан Ибраимов төрт кылмыш иштин фигуранты болууда.

Проблема с миграцией в Венгрии - Sputnik Кыргызстан
Мэр болуп жүрүп колуна кишен салынгандар. Мурдагы башчылардын каталары
Биринчисинде экс-мэрге "ТНК Дастан" ААКсынын буюм сатып алууда жогорулатылган бааны көрсөтүү менен менчиктештирилген каражаттары боюнча Кылмыш жаза кодексинин 171-беренесинин (ишенип берилген мүлктү ыйгарып алуу же төлөмөр болуу) негизинде кылмыш иши козголгон.

Экинчисинде "Солнечный берег" пансионатын сатууда "ТНК Дастан" ААКсы 152 миллион сом чыгым тартканы аныкталган. Бул акчаны Ибраимов өзүнө ыйгарып алган деп шектелүүдө.

Үчүнчү иш борбор калаадагы жер тилкелерин бөлүштүрүүдөгү коррупция фактысы боюнча козголгон. УКМКнын маалыматы боюнча мэр болуп турган Ибраимов жеке тараптарга жер берүү боюнча коррупциялык схема түзгөн.

Төртүнчү иш "Коррупция" беренеси боюнча козголгон. Ибраимов Бишкектин түштүк тарабындагы жер тилкелерин муниципалдык менчиктен чыгарып сатуу боюнча схема түзгөн деп айыпталууда.

Жаңылыктар түрмөгү
0