Шайлоого бир күн калганда талапкер эмне кылбашы керек. "Жымжырттык күнүнүн" шарттары

© Sputnik / Табылды КадырбековШайлоо участогун даярдоо. Архив
Шайлоо участогун даярдоо. Архив - Sputnik Кыргызстан
Жазылуу
"Жымжырттык күнү" үгүт иштери кайсы жерде кылынбасын айып пулду ал материалдын тарашына себеп болгон талапкер же анын расмий өкүлдөрү төлөйт

БИШКЕК, 13-окт. — Sputnik. Бул жолку президенттик шайлоонун алдындагы "жымжырттык күнү" 14-октябрга туура келди.

Ал күнү үгүт иштери токтотуларын көпчүлүк билгени менен майда-чүйдөсү жөнүндө маалыматы болбосо керек.

"Жымжырттык" шарттарын бузган талапкер кандай жаза тарта турганын Sputnik Кыргызстан агенттигине Борбордук шайлоо комиссиясынын (БШК) мүчөсү Кайрат Осмоналиев айып берди.

"Шайлоого бир сутка калганда мыйзамга ылайык, бардык үгүт иштери токтотулат. Бир дагы талапкер же анын расмий өкүлдөрү ал тууралуу мактоо-жактоо сөздөрүн ЖМКлар аркылуу дагы, эл чогулган жерде дагы айта албайт. Ошол себептүү бул 24 саатты "жымжырттык күнү" деп коюшат", — деди Осмоналиев.

Бирок ал буга чейин көчөдө, коомдук жайларда мыйзам чегинде илинген көрнөк-жарнактар ордунда кала берерин айтты. Болгону шайлоо комиссияларынын имараттарында бир дагы үгүт баракчасы болбошу шарт.

Кайсы жерлерде "жымжырттык" орношу керек?

Бул күнү Кыргызстандын аймагында каттоодон өткөн теле, радио, интернет сайттар, гезит-журналдар аркылуу үгүт материалдарын жарыялоого тыюу салынат. Ушундай эле максатта эл чогултууга дагы болбойт. Бирок социалдык тармактарга чыккан үгүт иштерине каршы эч ким эч нерсе кыла албайт.

"Социалдык тармактар биздин юрисдикцияга кирбейт. Анткени алар биздин Кыргызстанда катталган эмес", — деп түшүндүрдү БКШ өкүлү Осмоналиев.

"Жымжырттыкты" бузган талапкерге кандай чара көрүлөт

Кыргыз Республикасынын желеги. Архив - Sputnik Кыргызстан
Кыргызстандын атын өзгөртүү, ЖКны таратуу... Талапкерлердин программасындагы кызыктар
Бул жагынан мыйзам өтө эле жумшактыгын көрсөткөн. Мисалы, "ээнбаш" талапкер эч кимден катуу сөз укпайт, жарыштан четтеп калуу дагы коркунучу жок.

Болгону 1-2 миң сом айып төлөшү мүмкүн. Бул жөнүндө КРдин Административдик жоопкерчилик боюнча кодексинин 52 жана 54-беренелеринде жазылган.

Айып пулду үгүт материалдын тарашына себеп болгон талапкер же анын расмий өкүлдөрү төлөйт.

Жаңылыктар түрмөгү
0