БИШКЕК, 14-июн. — Sputnik. Президенттик шайлоону 15-октябрда өткөрүү боюнча Жогорку Кеңештин токтому кабыл алынды. Бул тууралуу парламенттин маалымат кызматы билдирди.
Аталган токтомго ылайык, президенттик шайлоо 2017-жылдын 15-октябрына дайындалууда. Андан сырткары, бул документ аркылуу өкмөткө, мамлекеттик органдар менен мекемелерге шайлоонун өтүшүн камсыз кылуу боюнча бир катар тапшырмалар берилет.
Андан тышкары, жергиликтүү өз алдынча башкаруу органдары да аймактык шайлоо комиссияларынын ишине колкабыш кылууга тийиш.
Эске салсак, Конституция талаптарына ылайык, Жогорку Кеӊеш шайлоого төрт ай калганда президенттик шайлоону дайындайт. Буга чечйин "КРдин президентин жана ЖК депутаттарын шайлоо" жөнүндө мыйзамга өзгөртүүлөр киргизилип, ал мыйзамда дагы президенттик шайлоо 15-октябрда өтө турганы айтылган.
