Жалал-Абад шаардык кеңеши тарай турганын жарыялады

© Sputnik / Владимир ФедоренкоПапкачан адам. Архив
Папкачан адам. Архив - Sputnik Кыргызстан
Жазылуу
Шаардык кеңеши ишин эки жолу баштоого аракет жасап, эки жолу көпчүлүк коалиция түзүлгөн.

БИШКЕК, 30-мар. — Sputnik. Жалал-Абад шаардык кеңеши бүгүнкү жыйында өзүн таркатууну чечти.

Жалал-Абад шаардык кеңешинин жыйынында мандат алган 31 депутаттын 23чү катышып, өздөрүн таркатуу боюнча бир добуштан чечим кабыл алышты. Шаардык кеңешти таркатуу демилгесин "Өнүгүү — Прогресс" менен "Ата-Журт" фракциялары көтөрдү.

Былтыр 11-декабрда жергиликтүү шайлоонун жыйынтыгы менен шаардык кеңешке КСДП, "Кыргызстан", "Республика — Ата-Журт", "Ата-Журт", "Өнүгүү — Прогресс" партиялары өткөн.

Депутат ЖК Аида Касымалиева - Sputnik Кыргызстан
Жаңы депутат Аида Касымалиева Жогорку Кеңеште ант берди
Алгач үч фракциядан — "Республика — Ата-Журт", "Ата-Журт", "Өнүгүү — Прогресстен" турган коалиция түзүлгөн. Бирок биринчи жыйында күн тартибиндеги маселелерди караганга депутаттардын үчтөн биринин добушу жетпей, чогулуш болбой калган.

Кийин "Республика — Ата-Журт" фракциясы көпчүлүк коалициядан чыгып, КСДП, "Кыргызстан", "Республика — Ата-Журт" фракциялары көпчүлүк коалиция түзүшкөн. Жыйында маселени караганга кайтадан добуш жетпей калган.

Бүгүнкү сессияга "Өнүгүү — Прогресс" фракциясынын депутаттары келбей койду.

Борбордук шайлоо комиссиясынын төрага орун басары Абдыжапар Бекматов БШК шаардык кеңештин таркашы тууралуу расмий маалымат келип түшө электигин билдирди.

Жаңылыктар түрмөгү
0