Өзгөчө абал учурунда өзүн алып жүрүү эрежелери. Инфографика

Жазылуу
Эртең Бишкек, Ош жана Жалал-Абадга өзгөчө абал режими киргизилет. Sputnik бул шаарлардын тургундары кайсы эрежелерди сакташы керектигин билип көрдү.

Өзгөчө абал жарыяланган аймактардагы адамдардын жашоосу кандай өзгөрүүлөргө туш болорун Sputnik агенттигинин инфографикасынан караңыздар.

Случаи потери детей в КР - Sputnik Кыргызстан
Коронавирус жуктурган 26 адамдын арасында үч бала бар
Учурда шаардыктарды "калаа ичинде тоскоолдуксуз жүрүүгө болобу" деген суроо кызыктырып жатат. Жаңы эрежеге ылайык, шаар ичинде ары-бери каттоого мүмкүн, бирок бийлик өкүлдөрү документиңизди сурап, унааңызды тинтүүгө алышы мүмкүн.

Мындан ары жарандар митингге чыгып, спорттук жана башка иш-чараларды уюштура алышпайт. Бишкек, Ош же Жалал-Абад шаарына барып алып, коомдук тартипти бузган адамдар жашаган дарегине куулат. Бул чет элдиктерге дагы тиешелүү. Баса, жол кирени эреже бузган киши өзү төлөйт.

Мындан сырткары, кызматкерлерди өз каалоосу менен иштен айдоого жол берилбейт. Өзгөчө абал жарыяланган аймактардын жашоочулары жалган маалымат жана провокациялык ушактарды таратпашы керек.

Жарандар жеке коопсуздугун сактоо үчүн чараларды колдонуп, инфекциянын тарап кетишине себепкер болбогонго аракет жасоого милдеттүү. Коронавируска каршы күрөшкөн мамлекеттик органдарга кол кабыш кылып, коркунуч жаралган учурлар болсо кабарлап туруу керек.

ИИМ кызматкерлери. Архив - Sputnik Кыргызстан
Коменданттык сааттын шарты кандай болот. Түшүндүрмө
Мындан ары бийлик продукция чыгарган, ташыган компаниялардын ишине таасир этип, эмгекке жарамдуу адамдарды коронавирус менен күрөшүү үчүн жасалып жаткан иш-чараларга тартууга укуктуу. Ошондой эле окуяны көбүртүп-жабыртып жибербеши үчүн ЖМКлардын ишин дагы тескейт.

Эреже бузгандарга 300-500 сомго чейинки айып салынып же 15 суткага чейин камалат. Ал эми компаниялар эрежеге баш ийбей турган болсо, алардын техникасы менен имараты мамлекеттин менчигине өткөрүлөт.

Паникага алдырбаңыздар! Өлкөдө учурда эмне болуп жатканын тексттик трансляциядан окуңуздар.

Жаңылыктар түрмөгү
0