22:10 12 Бештин айы 2019
Түз эфир
  • USD69.8500
  • EUR77.7815
  • RUB1.1048
Кишен. Архивдик сүрөт

ТИМ: Саймаитини өлтүрдү делгендердин жанында КР паспорту жок болчу

© AFP 2019 / Andreas Arnold / POOL
Окуялар
Кыскача шилтеме алуу
Ишкер Айэркен Саймаитинин Түркияда өлтүрүлүшү (33)
82201

10-ноябрь күнү Түркияда ишкерге белгисиз адамдар ок атышкан. Ал дароо ооруканага жеткирилгени менен өзүнө келбей каза болгон.

БИШКЕК, 13-ноя. — Sputnik. Түркияда Айэркен Саймаитини өлтүрдү деп шектүү катары кармалган үч кишинин экөө алгачкы тергөө учурунда оозеки түрдө Кыргызстандын жараны экенин айтышкан. Бирок алардын жанында эч кандай документ болгон эмес. Бул тууралуу Тышкы иштер министрлигинен кабарлашты.

Мындай маалыматты Түркиянын укук коргоо органдары Башкы консулдукка билдирген.

"Учурда бул маалымат такталып жатат", — дешти ТИМден.

Белгилей кетсек, ишкер Айэркен Саймаити Стамбулдун Фатих аймагындагы мейманканалардын биринин короосунда отурган жеринен атып өлтүрүлгөн. Жергиликтүү ЖМКлардын жазышынча, ишкерди эки киши артынан машина менен акмалап келип атып, андан кийин ошол эле автоунаа менен из жашырган. Ишкер дароо ооруканага жеткирилгени менен өзүнө келбей каза болгон.

Окуя болгон аймактан алыс эмес жерде токтоп турган консулдукка таандык 34 CC 2092 номерлүү Range Rover үлгүсүндөгү автоунааны укук коргоо органдары алып кеткен. Кыргызстандын Тышкы иштер министрлиги аталган жолтандабас Стамбулдагы башкы консул Эркин Сопоковго таандык экенин ырастап, ал президенттин Жарлыгы менен кызматтан алынган.

Түркиялык ЖМКлардын жазганына караганда, аны өлтүрдү деген шектүүлөр Адана аймагынан Сирияга өтүп кетүүгө аракет кылган маалда колго түшкөн. Өлтүрдү деп шектелген кыргызстандыктардын аты-жөнү Хусейин Ахматалиев жана Абдуллах Энвер деген маалыматтар тарады. Шектүү катары кармалган дагы бир киши Али Исбехтин сириялык экени кабарланды.

Сурак учурунда Айэркен Саймаитини Кыргызстандагы аласа-бересе маселелеринен улам өлтүрүшкөнүн айтышкан.

Айэркен Саймаитинин аты Кыргызстандын экономикалык кылмыштуулукка каршы күрөшүү кызматынын текшерүүсүндө аталган. Финсы полициясы "Азаттык" радиосунун журналисти Али Токтакуновдун Матраимовдордун үй-бүлөсүнө байланышы бар компаниялар аркылуу ири суммадагы акчалардын өлкөдөн чыгарылып кетиши жөнүндө журналисттик иликтөөсүндө айтылган фактыларды иликтеген. Анда Saimaiti Aierken (Айэркен Саймаити) аттуу жеке ишкердин, "Абдыраз" ЖЧКсы жана Wufuli Bumailiyamu (Вуфули Бумаилиамуну) деген ишкердин 11 банктагы каражатынын которулушу текшерилген.

 

Тема:
Ишкер Айэркен Саймаитинин Түркияда өлтүрүлүшү (33)

Тема боюнча

Саймаитинин өлүмү: Түркияда кармалгандардын жарандыгын ТИМ текшерип жатат
ТИМ: Саймаити өлтүрүлгөн жердеги унаа кыргыз консулуна тийиштүү болгон
Ишкер Саймаитини өлтүрдү деген шектүүлөрдү кармап келген учур. Видео

ЭҢ МААНИЛҮҮ