Видео Instagram баракчага жарыяланды.
Тасмадан көчөдөн бир нече кишинин жалгыз адамды уруп, тээп жаткандыгын көрүүгө болот. Бир нече ирмемдерден кийин ал жерге кулаган.
Буга чейин Москва шаарында мекендештерин тебелетип кетти деп камакка алынган Бекжан Сарбишев чатактын эмнеден келип чыкканын айтып берди. Жигит менен РЕН ТВ журналисти сүйлөшкөн.
Эскерте кетсек, 9-сентябрь күнү эртең менен Москванын Новочеркасский бульварында өзүнүн бир нече мекендешин унаа менен койдурду деп шектелген 21 жаштагы Бекжан Сарбишев аттуу жаран кармалган. Кырсыктын кесепетинен тогуз киши жабыркап, бешөө ооруканага түшүп, дагы бирөө каза тапкан.
Сарбишевдин айтымында, карындашынын туулган күнү өтүп жаткан кафеге түнкү саат 3-4төрдө бир нече киши келип, эмне болуп жатканын сураган. Майрам болуп жатканын айтып, ошол жерден чыр чыккан да, жигиттер тарап кетишкен. Бирок саат 5те жаңжал сыртта уланып, жигитти сабап салышкан.
