Жабырлануучу: Ысык-Көлдөгү ресторанды кылмышкерлер жардырып жибериши мүмкүн

© Sputnik / Кирилл Каллиников / Медиабанкка өтүүЛокализован пожар в московском НИИ
Локализован пожар в московском НИИ - Sputnik Кыргызстан
Жазылуу
Имаратты иштетип келген жарандын айтымында, буга чейин кылмыштуу топтун мүчөлөрү акча төлөп тур деп мажбурлашкан

БИШКЕК, 7-янв. — Sputnik. Ысык-Көлдөгү "Осьминог" ресторанын кылмыштуу топтун мүчөлөрү жардырып жибериши мүмкүндүгүн имаратты ижарага алып иштетип келген Аскат А. аттуу жаран Sputnik Кыргызстан агенттигине билдирди.

Ал Бостери айылындагы ресторан 7-январда күйүп кеткенден кийин редакцияга кайрылды. Анын айтымында, 2015-жылдан бери Инаят А. аттуу жарандын жерине жакын жердеги имаратты ижарага алып иштетип келген. Макулдашуунун шартына ылайык, эгер кандайдыр бир кырсык, же окуя болуп кетсе келтирилген чыгымды Аскат төлөп бериши керек болчу.

"2016-жылдын жай айынан тарта мага бандиттер келип, алардын аймагында иштеп жатканым үчүн акча төлөп тур деп талап кыла башташкан. Мен баш тарткам. Бир нече жолу келип ресторанды өрттөп, мени сабап кетебиз деп коркутушкан. Өзүмдүкүн берген жокмун", — деди ал.

Аскат бул окуя боюнча укук коргоо органдарына кайрылганын билдирди. Милиция кызматкерлери эки кишини кармашкан. Иш Бишкек шаардык Биринчи Май райондук сотунда каралып, кармалгандарды шарттуу түрдө гана соттоп коюшкан.

Сгорел ресторан на Иссык-Куле, очевидцы утверждают, что был взрыв - Sputnik Кыргызстан
Ысык-Көлдө Бабановдун бир тууганыныкы делген ресторан өрттөнүп кетти. Видео
"Эми имараттын ээси келтирилген чыгымды толук төлөп бер деп жатат. Анын баары канча турарын элестете албайм… Эмне кыларымды билбейм. Азыр милицияга бара жатам, арыз жазам. Имаратты бандиттер жардырып жибериши мүмкүн деген ойдомун. Өрт чыккан учурда ресторан иштебей эле турган. Газ баллондор дагы жок болчу", — деди ал.

ИИМдин Уюшкан кылмыштуулукка каршы күрөшүү башкы башкармалыгы Аскатка "крыша" болобуз деген кылмыштуу топтун мүчөлөрүнүн иши боюнча алектенгенин Sputnik Кыргызстан агенттигине тастыктады.

Имараттын ээси Инаят.А ресторанды чынында эле ижарага бергенин ырастады.

Ал эми Ысык-Көл ОИИББдин маалымат катчысы Сталбек Усубакунов күйүп кеткен имарат кайсы бир мейманкананын аймагында болбогонун билдирди.

"Ресторанды бандиттер өрттөп жибериши мүмкүн деген сөздөр жабыр тартуучунун гана божомолу. Тергөөнүн купуялуулугуна байланыштуу милиция учурда эмне менен алектенип жатканын айта албайм. Аскат А. аттуу жарандан акча талап кылгандардын кылмыш иши каралганын гана тастыктай алам", — деди Усубакунов.

Sputnik Кыргызстан окуянын чоо-жайына көз салып турат.

Жаңылыктар түрмөгү
0