БИШКЕК, 21-ноя. — Sputnik. "Ала-Тоо" совхозу аймагынан беш кишини коюп кеткен айдоочу мас болгонун Чүй ОИИББдин Кайгуул милициясынан билдиришти.
"Экспертизанын жыйынтыгы айдоочу мас болгонун тастыктады. Кечээ ал кайра жандандыруу бөлүмүнөн палатага которулду", — деп милициядан маалымдашты.
Белгилей кетсек, 20-ноябрда саат 15:30дар чамасында Toyota Camry автоунаасынын айдоочусу беш кишини коюп кеткен. Бир аял кырсык болгон жерден каза болсо, дагы бир аял менен 7 жашар бала ооруканадан үзүлгөн.
Милиция окуянын-чоо жайын иликтеп жатат.
