21:18 21 Баш оона 2019
Түз эфир
  • USD69.8160
  • EUR77.4818
  • RUB1.0536
Улуттук коопсуздук мамлекеттик кызматы тарабынан террордук топтун эки мүчөсү жок кылынды

УКМК: Жайылда атышуу учурунда эки террорчу жок кылынды

© Фото / пресс-служба ГКНБ КР
Окуялар
Кыскача шилтеме алуу
1127 0 0

Кылмыштуу топтун дагы бир мүчөсү жаракат алып, ооруканага жаткырылган

БИШКЕК, 29-авг. — Sputnik. Улуттук коопсуздук мамлекеттик кызматы тарабынан террордук топтун эки мүчөсү жок кылынды. Бул тууралуу аталган мекеме билдирди.

Маалыматка ылайык, жок кылынган адамдар буга чейин издөөгө алынган.

  • Антитеррористическая операция в Жайыльском районе
    Улуттук коопсуздук мамлекеттик кызматы тарабынан террордук топтун эки мүчөсү жок кылынды
    © Фото / пресс-служба ГКНБ КР
  • Антитеррористическая операция в Жайыльском районе
    Жок кылынган адамдар буга чейин издөөгө алынган.
    © Фото / пресс-служба ГКНБ КР
  • Антитеррористическая операция в Жайыльском районе
    Учурда кармалгандар УКМКнын убактылуу кармоочу жайына киргизилди.
    © Фото / пресс-служба ГКНБ КР
  • Антитеррористическая операция в Жайыльском районе
    Ушундай эле операция дүйшөмбү күнү Бишкектеги спорт ордосунда болгон.
    © Фото / пресс-служба ГКНБ КР
  • Антитеррористическая операция в Жайыльском районе
    УКМК анда кимдер кармалып-кармалбаганы тууралуу толук маалымат берген эмес.
    © Фото / пресс-служба ГКНБ КР
  • Антитеррористическая операция в Жайыльском районе
    Атышуунун жыйынтыгында эки кылмышкер жок кылынып, дагы бири жаракат алган. Учурда ал ооруканага жаткырылды.
    © Фото / пресс-служба ГКНБ КР
1 / 6
© Фото / пресс-служба ГКНБ КР
Улуттук коопсуздук мамлекеттик кызматы тарабынан террордук топтун эки мүчөсү жок кылынды

"29-август күнү кылмышкерлердин жайгашкан жери аныкталып, Жайыл районунда атайын операция жүргүзүлгөн. Террордук топтун мүчөсү делгендер курчоого алынгандан кийин УКМК кызматкерлерине ок чыгарган. Атышуунун жыйынтыгында эки кылмышкер жок кылынып, дагы бири жаракат алган. Учурда ал ооруканага жаткырылды. Мындан сырткары, кылмыштуу топко жардам берген деген шек менен эки адам кармалды", — деп жазылат билдирүүдө.

Атышуу учурунда УКМКнын ыкчам тобунун мүчөлөрү жаракат алган эмес. Учурда кармалгандар УКМКнын убактылуу кармоочу жайына киргизилди.

Ушундай эле операция дүйшөмбү күнү Бишкектеги спорт ордосунда болгон. УКМК анда кимдер кармалып-кармалбаганы тууралуу толук маалымат берген эмес.

Эскерте кетсек, 24-августтун түнүндө Кайгуул милициясы документтерди текшерүү үчүн Ауэзов көчөсүнөн мамлекеттик номери S 8191 AG болгон Nissan Presage үлгүсүндөгү машинаны токтоткон. Анын ичинде төрт киши отурган. Жүргүнчүнүн бири тапанча алып чыгып, милиция кызматкеринин башына такаса, экинчиси граната алып чыгып "жардырам" деп коркуткан. Мындан улам укук коргоо органдарынын өкүлдөрү аларды коё берүүгө аргасыз болуп, кылмышкерлер из жашырып кетишкен.

Кийин "Перехват" планы жарыяланып, шектүүлөр издөөгө алынган. Машина Көк-Жар конушундагы Кулмырзаев көчөсүнөн табылып, анын ичинен китептер жана уюлдук телефон алынган.

Тема боюнча

Милицияга тапанча такагандар террордук топтун мүчөлөрү катары изделүүдө
Көк-Жардын тургундары түндө граната жардырабыз деп коркуткан окуя тууралуу айтышты
Ош: Кара-Суудан уюшкан кылмыштуу топтун мүчөсү эки граната менен кармалды
Белгилер:
кылмыш, террорчу, УКМК

ЭҢ МААНИЛҮҮ