ИИМ: Бишкекте кыздын колун сураган милиционер көкүрөккө бычак жеп каза болгон

© Sputnik / Жоомарт УраимовСлучаи поножовщины в КР
Случаи поножовщины в КР - Sputnik Кыргызстан
Жазылуу
Маркум тирүү болгондо август айында күзөт кызматында иштеп жатканына бир жыл толмок

БИШКЕК, 29-июн. — Sputnik. Бишкекте милиция кызматкери жактырган кызынын колун сурагандан кийин бычак жеген. Бул тууралуу Sputnik Кыргызстан агенттигине ИИМдин маалымат кызматынан кабарлашты.

Эстеликтеги гвоздика гүлү. Архив - Sputnik Кыргызстан
Чолпон-Атада каза болгон милиционердин артында төрт баласы калды
Шаршемби күнү 25 жаштагы киши каза болгону, шектүү катары 17 жаштагы кыз кармалганы айтылган.

Маалымат кызматынан билдиришкендей, маркум ИИМдин Свердлов району боюнча Адистешкен мамлекеттик күзөт кызматында иштеп келген.

27-июнда ал өзүнүн досу, дагы эки кыз менен үйүндө спирт ичимдигин ичип отурган. Алдын ала маалыматтар боюнча саат 23.50лөр чамасында бөлмөсүнө 17 жаштагы кызды алып кирип, анын колун сураган.

"Ал кызга болгон сезимдерин билдирип, эч нерседен коркпой турганын айткан. Андан кийин алар белгисиз себептер менен урушуп кетишкен. Жигит кыздын колуна бычакты карматып, аны сайып салуусун суранган. Натыйжада кыз баланын көкүрөгүнө бычак урган. Бөлмөдөгү ызы-чууну уккан баланын досу чуркап келип, бычакты сууруп алган. Ал ооруканага жеткирилгени менен алган жараатынан каза тапкан", — деп маалымат кызматынан билдиришти.

Шектүү кыз кармалып, анын Бишкекте жашай турганы белгилүү болду. ИИМдин өздүк коопсуздук кызматы факты боюнча кызматтык иликтөө жүргүзүүдө.

"Маркум тирүү болгондо август айында күзөт кызматында иштеп жатканына бир жыл толмок", — деп мекемеден кошумчалашты.

Материал иликтенип бүткөндөн кийин толук маалымат берилет.

Жаңылыктар түрмөгү
0