Транспорт министрлигинин төрт кызматкери көчкү алдында калып каза болду

© Sputnik / Владимир Иванов / Медиабанкка өтүүКар көчкү. Архив
Кар көчкү. Архив - Sputnik Кыргызстан
Жазылуу
Түнкү кырсыктагы издөө иштерине жалпысынан ӨКМдин 52 куткаруучусу тартылып, ал эми министр Кубатбек Боронов окуя болгон жерге жөнөп кеткен.

БИШКЕК, 28-мар. — Sputnik. Түндө саат бирлер чамасында Бишкек — Ош жолунда көчкүнүн алдынан ичиндеги төрт адамы менен №23 жол тейлөө кызматына тиешелүү Toyota Hilux Pick Up автоунаасын алып чыгышкан. Бул туурасында ӨКМ ден кабарлашты.

Каза болгондор Транспорт министрлигинин Жол-тейлөө кызматынын төрт жумушчусу экени белгилүү болду.

Жер көчкү. Архив - Sputnik Кыргызстан
Өзгөн: жер көчкү жүргөн аймактын жашоочулары соттун чечими менен көчүрүлөт
Андан сырткары, көчкү алдындагы Lexus жеңил унаасынан үч адамды – бир эркек менен эки аялды алып чыкканда, алардын аман-эсен экендиги анык болгон. Учурда алар өз үйүндө.

Саат 02:30 дарда ӨКМдин куткаруучулары издөө иштерин жүргүзүп, сууруп чыккан Subaru Legacy унаасынын салонунда да бир аял, эки эркек болгон. Жабырлануучулар аймактык ооруканага жеткирилди.

Түнкү кырсыктагы издөө иштерине жалпысынан ӨКМдин 52 куткаруучусу тартылып, ал эми министр Кубатбек Боронов окуя болгон жерге жөнөп кеткен.

Каза болгондор туурасында маалымат учурда такталууда.

Жаңылыктар түрмөгү
0