06:11 15 Тогуздун айы 2019
Түз эфир
  • USD69.8079
  • EUR77.0016
  • RUB1.0846
Соттун балкасы. Архив

Кытайда баңги зат менен соттолгон кыргызстандык аял өлүм жазасына тартылды

© AFP 2019 / Gil Cohen Magen/POOL
Окуялар
Кыскача шилтеме алуу
134501

Кытайда өлүм жазасына тартылган аялдын сөөгү жакында мекенине алып келинет.

БИШКЕК, 18-фев. — Sputnik. Кытайдын Үрүмчү шаарындагы абактардын биринде 4-февралда кыргызстандык Светлана Кулбаеваны өлүм жазасына тартуу боюнча соттун чечими аткарылганын "Дело №" гезити жазып чыкты. 

Мурдараак КРдин Тышкы иштер министрлиги Кытай тарапка таянуу менен Ош шаарынан СZ6034 аба каттамы менен учкан кыргызстандык аял 2010-жылдын 6-ноябрында аэропорттун бажы кызматы тарабынан Үрүмчү шаарында кармалганын билдирген. 

"Кулбаеванын эки баштык жүгүнүн ичинен уксус ангидриди жыттанган маң зат табылган. Анын салмагы 7,2 килограммды түзгөн", — деп айтылат маалыматта. 

Кулбаева боюнча соттун биринчи отуруму 2011-жылдын 30-мартына болгон. Ошол эле жылдын 19-декабрында сот аны өлүм жазасына тартуу чечимин чыгарган.

2011-жылдын 29-декабрында КРдин Кытайдагы элчилигинин өкүлүнүн жардамы менен Кулбаева апелляциялык арыз жазган. Ага ылайык, соттун кийинки отуруму 2012-жылдын 23-февралында болгон. Синьцзян-Уйгур Автономиялуу районунун жогорку элдик соту биринчи инстанциядагы соттун чечимин күчүндө калтырган. 

"Дело №" гезитинин жазганына караганда, 51 жаштагы Светлана Кулбаева соттун чечимине ылайык, инъекция (шприц менен теринин астына суюк дарыны жиберүү) жолу менен өлүм жазасына тартылды. Кыргызстандык аялдын сөөгү дипломатиялык жол менен мекенине жеткирилет. 

Тема боюнча

Түркиянын Хайдарпаша портунда удаа-удаа жарылуу болду
Кытай жараны өзүн өлдү деп жарыялап, зыйнатка кимдер келерине кызыкты
Белгилер:
кыргыз, сот, өлүм, Кытай

ЭҢ МААНИЛҮҮ