БИШКЕК, 9-апр. — Sputnik. Кечээ, 8-апрелде НТВ каналынан "Ты супер!" сынагынын экинчи турунун биринчи чыгарылышы көрсөтүлдү.
Анда Кыргызстандан барган жалгыз катышуучу 12 жаштагы Урмат Мырсаканов долбоордун кийинки этабына өтпөй калды.
"Мен бүт күчүмдү жумшадым. Эгер дагы бир жолу катышууга мүмкүнчүлүк болсо сөзсүз түрдө келмекмин. Жакындарымды да сагындым, аларга батыраак барып көргүм келип жатат", — деп Урмат ой бөлүштү.
"Ты супер!" конкурсу НТВ жана Sputnik эл аралык маалымат агенттиги тарабынан демилгеленип, Россиянын Билим берүү жана илим министрлигинин колдоосу менен уюштурулган. Музыка жаатында таланттуу балдар КМШ жана Балтика боюндагы мамлекеттеринен келишкен. Алардын катарында Кыргызстан, Армения, Белоруссия, Грузия, Молдова, Казакстан, Кыргызстан жана Эстония бар.
