БИШКЕК, 18-янв. — Sputnik. Жалал-Абадда бизнесмендерден акча опузалоого шектелип блогер кармалды. Бул тууралуу УКМКдан билдиришти.
Маалыматка ылайык, 16-январда “Айка Мусаева” аттуу блогду алып барган С.А.М. аттуу жаран кармалган. Ал көбүнчө Жалал-Абад облусунун Сузак жана Ноокен райондорунда активдүү жүргүзөрү айтылды.
“Шектүү ишкерлерди жана колунда барларды социалдык тармактарга терс сүрөттөрдү жана видеолорду жарыялайм деп коркутуп, акча талап кылгандыгы аныкталган. Учурда анын 120-80 миң сом алганы боюнча эки факт аныкталды. Кээде ал УКМК менен байланышы бар экенин айтып, акчалай карыздарды кайтарып берүү боюнча жеке кызмат көрсөткөн”, — деп айтылат маалыматта.
Шектүү бул кылмыштарды Сузак айылдык кеңешинин спикери Х.Ж. менен макулдашып жасаганы, ал дагы кармалганы кошумчаланды.