БИШКЕК, 26-окт. — Sputnik. Бүгүн эртең менен Бишкектин чок ортосунда түтүк жарылып, андагы суу фонтан болуп атырылган.
Окуя Москва жана Турусбеков көчөлөрүнүн кесилишинде катталды. Жарылып кеткен түтүк мэриянын турак жай-коммуналдык чарбасынын карамагында экени маалым болду.
Бишкек мэриясынын маалымат кызматы "Бишкек жылуулук түйүн" ишканасынын кызматкерлери сууну токтотуп, түтүктү калыбына келтиргенин билдирди.