"Кыргызстандык пара спортчулар шарттын толук түзүлбөгөнүнө карабастан эл аралык мелдештерде өз аракеттери менен ийгиликтерге жетип жатышат. Бизде абдан таланттуу балдар бар. Керектүү шарты бар спорттук имарат жана машыгуу үчүн бардык жабдуулар каралбай жатат. Алар болсо бизге көп мүмкүнчүлүктөрдү ачат эле. Мисалы, кыздар үчүн өзүнчө кийинүүчү жайлар жокко эсе. Ал эми акыркы учурларда пара спортко кыздар да келип, күчүн сынап жатышат. Мисалы, Миргүл Болоталиева пара пауэрлифтинг боюнча Дубайда өткөн өспүрүмдөр арасындагы дүйнө кубогунун жана Грузияда өткөн дүйнө чемпионатынын катышуучусу. Акыркы учурларда жакшы көрсөткүчтөргө жетип, ийгиликтүү машыгууларды өткөрүүдө. Пара спортчулардын кадырын көтөрүп, алардын коомдогу орду, ийгиликтери тууралуу коомчулукка маалымат жеткирүүгө көңүл буруу керек", — деди Бакиров.