БИШКЕК, 5-май — Sputnik. Кыргызстандыктар 10-май күнү иштейт, себеби август айында төрт күн катары менен эс алышат. Бул тууралуу өкмөттүн маалымат кызматы кабарлады.
Буга чейин 9-май жекшембиге туш келгендиктен 10-майда эс алуу болору айтылган эле.
Билдирмеге ылайык, мыйзамда майрам дем алышка туш келсе, анын эртеси эс алуу күнү деп жарыяланат. Бирок бул ирет күндөрдү сарамжалдуу пайдалануу үчүн кыргызстандыктар 10-майдын эсебинен 30-августта эс алышат.
Ошондо август айында жарандар төрт күн катары менен эс алат. Тагыраагы, 27-28-август дем алыш күн, 30-август 10-майдын эсебинен эс алуу, ал эми 31-август КРдин Эгемендик күнү белгиленмекчи.