БИШКЕК, 16-авг. — Sputnik. Мурдагы президент Алмазбек Атамбаевдин баш коргоо чарасы өзгөрүүсүз калды. Бул тууралуу анын жактоочусу Сергей Слесарев билдирди.
Атамбаевдин баш коргоо чарасы Бишкек шаардык сотунун көчмө жыйыны Улуттук коопсуздук боюнча мамлекеттик комитеттин имаратында каралды.
Процесс жабык өттү.
Белгилей кетсек, Алмазбек Атамбаев 8-август күнү эки күнгө созулган атайын операциядан кийин багынып берген. Биринчи Май райондук соту баш коргоо чарасын тандап, аны 26-августка чейин камакта калтырган. Атамбаевге 14 айып тагылууда. Мурунку президенттин жактоочулары Атамбаевди үй камагына чыгаруу боюнча доо арыз беришкен.