"Өлбөс полк онлайн" акциясына катышууга дагы 800 миңден ашык киши арыз берди

© Sputnik / Алексей Сухоруков / Медиабанкка өтүүКиши "Өлбөс полк" акциясые онлайн-трансляциясын көрүп жатат. Архив
Киши Өлбөс полк акциясые онлайн-трансляциясын көрүп жатат. Архив - Sputnik Кыргызстан, 1920, 05.05.2021
Жазылуу
Акцияны түз берүү быйыл аймактарга бөлүштүрүлдү. Тагыраагы, ар бир адам өзүнүн ардагерин туулган шаарынан көрө алат.
БИШКЕК, 5-май — Sputnik. Былтыр 2,5 миллиондон ашык катышуучу топтогон "Онлайн өлбөс полк" долбооруна дагы 800 миң кишиден ашуун адам кошулууга арызын берди.
Аталган иш-чара эки жылдан бери өткөрүлүп келет. Акцияны СССРдин эл артисти, Россиянын өлбөс полкунун борбордук штабынын тең төрагасы Василий Семенович Лановойдун жесири — РФтин эл артисти Ирина Купченко, дагы бир эл артисти Олег Газманов, театр жана кино актёру Игорь Петренко жана ырчы Полина Гагарина колдоого алды.
Былтыр полктун түз эфирдеги берүүсү 20 күндөн ашык убакытка созулган. Бул жылы өнөктөштөрдүн жардамы менен түз берүү аймактарга бөлүштүрүлдү. Тагыраагы, ар бир адам өзүнүн ардагерин ал туулган шаардан көрө алат. Ошондуктан тизмени аймактарга бөлүштүрүүгө үлгүрүү үчүн арыздар 7-майга чейин эле кабыл алынат. Старт эки жума мурун берилген.
Улуу Жеңиштин 76 жылдыгына карата Москвада өтчү параддын даярдыгы. Видео - Sputnik Кыргызстан, 1920, 05.05.2021
Улуу Жеңиштин 76 жылдыгына карата Москвада өтчү параддын даярдыгы. Видео
Бул жылы киберкоопсуздук маселелерине жана келип түшкөн арыздарды текшерүүгө көп көңүл бурулуп жатат. Полк колоннасына аскер кылмышкерлери кошулуп калбашы үчүн 12 миңден ашуун модератор иштеп жатат. Алар Россиянын өлбөс полкунун, "Жеңиш ыктыярчылары" кыймылынын жана башка коомдук уюмдардын, ошондой эле Сбербанк тармагынын ыктыярчылары. Маалымат өтө көп болгондуктан текшерүү бир нече күнгө созулушу мүмкүн.
Модераторлор бир катар чагымчыл аракеттерди алдын алышкан, маалыматтарды Россиянын Тергөө комитетине өткөрүп бергени турушат. Интернет чабуулчулары өлбөс полктун катарына улутчул кылмышкерлердин портретин кошкусу келген.
Россияда ушул жылы улутчулдукту калыбына келтирүү аракети үчүн кылмыш жоопкерчилигин күчөтүү боюнча мыйзам күчүнө киргени белгиленет. Анда кылмышкерлердин сүрөтү онлайн жүрүштө эскертүү катары көрсөтүлөт.
Өлбөс полк онлайн түрүндө 9-май күнү саат 15:00дө башталат. Акцияны 2021.polkrf.ru сайтынан, ВКонтакте жана Одноклассники социалдык тармактарынан, телеканалдардан жана ОККО, IVI.RU, MORE.TV кинотеатрларынан, ошондой эле Смотрим.ру платформасынан көрүүгө болот.
Жаңылыктар түрмөгү
0