БИШКЕК, 1-июл. — Sputnik. Россия президенти Владимир Путин Россиянын Конституциясына өзгөртүү киргизүү боюнча жалпы элдик добуш берди. Бул туурасында РИА Новости жазды.
Бишкекте россиялыктар РФ Конституциясына өзгөртүү киргизүү боюнча добуш беришүүдө
Ал бүгүн Россия илимдер академиясындагы №2151 шайлоо тилкесине келип добуш берген.
1-июль Россиянын Баш мыйзамына өзгөртүү киргизүү боюнча добуш берүүнүн негизги күнү. Алгач 22-апрелге белгиленген эле, бирок коронавирус пандемиясынан улам жылдырылган.
Путин Баш мыйзамга түзөтүү киргизүү боюнча добуш берүүгө чакырды
Эпидемиологиялык кырдаалды эске алып жарандардын коопсуздугу үчүн 25-июндан 1-июлга чейин добуш берүү чечими кабыл алынган. Россиянын Борбордук шайлоо комиссиясынын 30-июнь, эртең мененки маалыматы боюнча, аралыктан катышкандарды кошкондо 49,6 миллион россиялык жаран добуш берген. Бул шайлоочулардын 45,7 пайызын түзөт.
