БИШКЕК, 30-июн. — Sputnik. Россия президенти Владимир Путин россиялыктарды Конституцияга түзөтүү киргизүү боюнча жалпы россиялык добуш берүүгө чакырды.
Путин Советтик жоокерге эстелик ачылган Тверь облусунан элге кайрылды.
"Биз жөн гана жаңыланып, түзөтүлгөн Баш мыйзамга эле добуш берген жокпуз. Биз заманбап билими жана саламаттык сактоо системасы болгон, ишенимдүү социалдык коргоосу камсыздалган, бийлиги майнаптуу иштеп, коомчулукка анысын айтып-деп турган өлкөдө жашоо үчүн добуш беребиз. Биз жашап жана балдарыбызга өткөрүп бере турган өлкө үчүн добуш беребиз", — деген Путин.
Россия лидери ар бир адам жоопкерчиликтүү чечим кабыл алып жатып, өзүнүн жакындары туурасында ойлоп, бардыгын бириктирген баалуулуктарга басым жасарын айткан. Алар чындык жана акыйкаттык, адамдын эмгегине, улуу муунга болгон сый-урмат, үй-бүлөгө жана балага болгон камкордук, абийирдүүлүк экендигин билдирген.
"Негизги мыйзамга өзгөртүү киргизүү үчүн сиздин берген добушуңуз жогорудагы айтылгандарда, албетте, андан сырткары, конституциялык баалуулукту бекемдейт", — деп кошумчалаган Россия лидери.
Россия президенти Конституциянын жаңыланган тексти, сунуштар боюнча элге кайрылып, алар колдогондо гана күчүнө кирерин айтты.
