06:03 20 Жетинин айы 2017
Түз эфир
Вице-президент ТПП КР Нурлан Мусуралиев
© Sputnik / Таалайгуль Усенбаева

Мусуралиев: ЭКСПОдо Кыргызстандын суу потенциалына кызыккандар көп болду

Радио
Кыскача шилтеме алуу
19 0 0

Эл аралык көргөзмөдө Кыргызстандын павильонуна 93 күн ичинде жарым миллиондон ашык адам кирген.

Астанада өткөн "ЭКСПО-2017" эл аралык көргөзмөсүндө Индия, Түркия жана Европа мамлекеттеринин өкүлдөрү Кыргызстандын суу потенциалына кызыгып кетишти. Бул тууралуу Sputnik Кыргызстан маалымат агенттигине өлкөнүн Соода жана өнөр жай палатасынын жетекчисинин орун басары Нурлан Мусуралиев билдирди.

Анын айтымында, жакын арада бул багытта келишимдер түзүлүп калышы ыктымал.

"ЭКСПО-2017" эл аралык көргөзмөсү "Келечектин энергиясы" деп аталгандыктан биз негизги басымды суу энергиясына жасадык. Анткени Кыргызстанда суу көп, бирок биз учурда анын 10 пайызын эле колдонуп жатабыз. Келген конокторго интерактивдүү экрандардан суу энергиясын өнүктүрүү боюнча программаларды көрсөтсөк, Индия, Түркия жана Европа мамлекеттиринин өкүлдөрү абдан кызыгып кетишти. Мындан тышкары, JIKA долбоорунун колдоосу менен "Шоро" компаниясынын суусундуктарын, Ысык-Көлдүн кыямын, кыргыз балын жана кургак жемиштерди алып келип даамын таттырдык", — деди Мусуралиев.

Ал ошондой эле 93 күн ичинде Кыргызстандын павильонуна жарым миллионго чукул адам келгенин кошумчалап кетти.

Эске салсак, "Келечектин энергиясы" аталышындагы "ЭКСПО-2017" эл аралык көргөзмөсү 10-июнда ачылып, 10-сентябрда расмий жабылды.

Тема боюнча

Астанадагы "ЭКСПО" аяктады. Аны көрүү үчүн дагы 1 млн. адам кезекте турат
Астанада "ЭКСПО" иш-чарасынын алкагында Кыргызстандын күнү белгиленди
Астанадагы ЭКСПО-2017 көргөзмөсүнүн жабылыш аземи. Түз алып берүү аяктады
Белгилер:
бал, Максым, ЭКСПО-2017, Казакстан
Колдонуу эрежелериПикирлер

ЭҢ МААНИЛҮҮ