02:08 23 Бугу 2019
Түз эфир
  • USD69.8500
  • EUR77.9491
  • RUB1.0844
Осаго полиси. Архив

Кыргызстанда ОСАГО полисин албагандарга айып салбай туруу сунушталууда

© Sputnik / Нина Зотина
Кыргызстанда
Кыскача шилтеме алуу
427 0 0

Айыптын көлөмү 3 миңден 13 миң сомго чейин.

БИШКЕК, 30-дек. — Sputnik. Кыргызстанда ОСАГО полисин албаганы үчүн салынчу айып пулду 2019-жылдын 7-августуна чейин жылдыра туруу сунушталды. Өкмөттүн токтом долбоору коомдук талкууга коюлду.

Мыйзам долбоорунун демилгечиси Финансылык көзөмөл кызматы эскерткендей, 7-февралдан тарта "Автокаражаттардын ээлеринин жарандык-укук жоопкерчилигин милдеттүү түрдө камсыздандыруу жөнүндөгү" мыйзам күчүнө кирет.

Мекемеден кабарлашкандай, "Эреже бузуу жөнүндөгү" кодекске ылайык, 2019-жылдын 1-январынан тарта полиси жокторго экинчи категориядагы айып салынат (жеке тараптар үчүн — 30 эсеп көрсөткүчү, юридикалык жактарга 130 эсеп көрсөткүчү боюнча).

Финансылык көзөмөл кызматы 7-февралдан тарта башка мамлекеттин автоунаалары Кыргызстанга киргенде полиси жок болсо айып салууну сунуштаган.

"Ошол эле учурда ОСАГО мыйзамынын күчүнө кирүүсүн жумшартуу жана айдоочулардын нааразычылыгын жаратпоо үчүн Кыргызстанда катталган автоунаалардын айдоочуларына 2019-жылдын 7-августуна чейин өтмө мезгилди берүү сунушталууда", — деп документтин негиздемесинда айтылат.

Андыктан Кыргызстанда катталган автоунаалардын ээлери өздөрүнө туура келген камсыздандыруу компаниясын тандап, ОСАГО полисин алууга мүмкүнчүлүгү болот. Андан сырткары, өтмө мезгил учурунда полиси жок болсо айып салбоо сунушталууда.

Тема боюнча

Адам өмүрү 300 миң сомго бааланды. ОСАГО тарифинин долбоору
Унааны милдеттүү камсыздандыруунун мөөнөтү узарды
Белгилер:
ОСАГО, айып, мыйзам, Кыргызстан

ЭҢ МААНИЛҮҮ