БИШКЕК, 18-июл. — Sputnik. Жумуш менен камсыз кылуу боюнча кызматы Кыргызстанда 1-июлга карата 18,2 миң жумушчу орундары бар. Бул туурасында Эмгек жана социалдык өнүгүү министрлигинин маалымат кызматынан билдиришти.
Министрликтин маалыматында бир жумушчу орунга 14 киши ат салышат.
"Жаштардын эмгек биржасы кыргызстандыктарды ишке орноштуруу боюнча бир топ иштерди жасады. Жыл башынан бери бизге иш издеп 3 миң 923 адам кайрылса, алардын ар бир экинчиси иш менен камсыз болду. Жалпысынан алганда, 1879 адам жумуш тапты", — деп айтты Эмгек жана социалдык өнүгүү министри Кудайберген Базарбаев.
Аталган министрликтин маалыматында, жыл башынан бери 15,8 миң адам иш менен камсыздалган. 11,5 миң адам коомдук иштерге тартылып, башка кесиптерге үйрөнгөн.
