Бишкектеги ШКУ саммитинде маанилүү документтерге кол коюлду. Тизме
13:28 01.09.2026 (Жаңыртылды: 14:03 01.09.2026)
Жазылуу
БИШКЕК, 1-сен. — Sputnik. Бүгүн, 1-сентябрда, Бишкекте Кыргызстандын президенти Садыр Жапаровдун төрагалыгы алдында өткөн Шанхай кызматташтык уюмуна (ШКУ) мүчө мамлекеттердин башчыларынын кеңешинин жыйынтыгында бир катар документтерге кол коюлду.
Кабыл алынган документтердин тизмеси:
Шанхай кызматташтык уюмунун 25 жылдыгынын Бишкек декларациясы;
Шанхай кызматташтык уюмунун 2002-жылдын 7-июнундагы Хартиясына өзгөртүүлөрдү жана толуктоолорду киргизүү жөнүндө протокол;
Шанхай кызматташтык уюмуна мүчө мамлекеттердин коопсуздугуна болгон коркунучтарга жана чакырыктарга каршы туруу боюнча универсалдуу борбор жөнүндө жобо;
Шанхай кызматташтык уюмунун Баңгизатка каршы борборунун Аткаруу комитети жөнүндө жобо;
Шанхай кызматташтык уюмуна мүчө мамлекеттердин баңгиликке каршы күрөшүү боюнча 2030-жылга чейинки өз ара аракеттенүү программасы;
Шанхай кызматташтык уюмуна мүчө мамлекеттердин синтетикалык баңгизаттардын жана алардын прекурсорлорунун жайылышына каршы күрөшүүдөгү чараларды координациялоо боюнча 2030-жылга чейинки программасы;
Шанхай кызматташтык уюмуна мүчө мамлекеттердин 2026–2028-жылдарга эл аралык маалыматтык коопсуздукту камсыздоо маселелери боюнча өз ара аракеттенүү планы;
Шанхай кызматташтык уюмуна мүчө мамлекеттердин биологиялык ар түрдүүлүктү сактоо жана туруктуу башкаруу боюнча демилгеси;
Шанхай кызматташтык уюмуна мүчө мамлекеттердин 2026–2031-жылдарга биологиялык ар түрдүүлүктү сактоо жана туруктуу башкаруу боюнча биргелешкен иш-аракеттер планы;
Шанхай кызматташтык уюмуна мүчө мамлекеттердин 2026–2030-жылдарга Шанхай кызматташтык уюмунун "Жашыл технологиялык коридорун" калыптандыруу боюнча кызматташтык программасы (илимий-техникалык кызматташтык);
Шанхай кызматташтык уюмуна мүчө мамлекеттердин 2026–2030-жылдарга портторун жана логистикалык борборлорун өнүктүрүү боюнча иш-аракеттер планы (жол картасы);
Шанхай кызматташтык уюмунун алкагында маалыматтарды иштеп чыгуу боюнча аймактык борборлорду (дата-борборлорду), эсептөө кубаттуулуктарын түзүү жана жасалма интеллект индустриясын өнүктүрүү концепциясы;
Шанхай кызматташтык уюмунун катчылыгы менен Африка биримдигинин комиссиясынын ортосундагы өз ара түшүнүшүү жөнүндө меморандумга кол коюу тууралуу;
Шанхай кызматташтык уюмунун ишмердүүлүгүн котормо менен камсыздоо жөнүндө;
Пакистан Ислам Республикасынын Лахор шаарын 2026–2027-жылдарда Шанхай кызматташтык уюмунун туристтик жана маданий борбору деп жарыялоо жөнүндө;
Шанхай кызматташтык уюмунун ак ниет элчиси ардактуу наамы жөнүндө жобого өзгөртүүлөрдү киргизүү тууралуу;
Шанхай кызматташтык уюмуна мүчө мамлекеттердин башчыларынын кеңешинин чечимдеринин колдонулушун токтотуу жөнүндө;
Шанхай кызматташтык уюмунун башкы катчысынын Шанхай кызматташтык уюмунун 2025-жылдагы ишмердүүлүгү жөнүндө баяндамасы;
Шанхай кызматташтык уюмунун Аймактык антитеррордук түзүмүнүн кеңешинин ШКУнун Аймактык антитеррордук түзүмүнүн 2025-жылдагы ишмердүүлүгү жөнүндө баяндамасы;
Шанхай кызматташтык уюмуна мүчө мамлекеттердин башчыларынын кеңешинин ядролук жана физикалык ядролук коопсуздуктун урматына көп тараптуу өнөктөштүктү чыңдоо боюнча декларациясы;
Шанхай кызматташтык уюмуна мүчө мамлекеттердин башчыларынын кеңешинин энергияны үнөмдөө жана энергетикалык натыйжалуулук жаатындагы өз ара кызматташууну өнүктүрүү жөнүндө билдирүүсү;
Шанхай кызматташтык уюмуна мүчө мамлекеттердин башчыларынын кеңешинин энергетикалык системалар чөйрөсүндөгү өз ара кызматташууну өнүктүрүү жөнүндө билдирүүсү;
Шанхай кызматташтык уюмуна мүчө мамлекеттердин башчыларынын кеңешинин үй-бүлө институтун колдоо жана бекемдөө жөнүндө билдирүүсү;
Шанхай кызматташтык уюмуна мүчө мамлекеттердин башчыларынын кеңешинин өзгөчө кырдаалдардан жабыркаган мамлекеттерге жардам көрсөтүү жөнүндө билдирүүсү.
Ошондой эле Шанхай кызматташтык уюмуна мүчө мамлекеттердин башчыларынын кеңешинин жыйынынын алкагында төмөнкү документтерге кол коюлду:
Шанхай кызматташтык уюмуна мүчө мамлекеттердин өкмөттөрүнүн ортосундагы 2010-жылдын 11-июнундагы кылмыштуулукка каршы күрөшүүдөгү кызматташтык жөнүндө макулдашууга өзгөртүүлөрдү жана толуктоолорду киргизүү тууралуу протокол;
Шанхай кызматташтык уюмуна мүчө мамлекеттердин өкмөттөрүнүн ортосундагы климаттын өзгөрүшүнө каршы күрөшүүдөгү кызматташтык жөнүндө меморандум;
Шанхай кызматташтык уюмуна мүчө мамлекеттердин өкмөттөрүнүн ортосундагы жасалма интеллект жаатында өз ара аракеттенүү жөнүндө меморандум;
Шанхай кызматташтык уюмуна мүчө мамлекеттердин ыйгарым укуктуу ведомстволорунун ортосундагы маалыматтык чөйрөдө өз ара аракеттенүү жөнүндө меморандум.
