https://sputnik.kg/20260901/bishkek-shku-sammit-emne-kutuugo-bolot-1103361278.html
Бишкектеги ШКУ саммитинен эмнени күтүүгө болот? Эксперттердин божомолу
Бишкектеги ШКУ саммитинен эмнени күтүүгө болот? Эксперттердин божомолу
Sputnik Кыргызстан
БИШКЕК, 1-сен. — Sputnik. Бишкекте өтүп жаткан Шанхай кызматташтык уюмунун (ШКУ) саммитинде коопсуздук, энергетика, транспорт жана каржы тармагы боюнча... 01.09.2026, Sputnik Кыргызстан
2026-09-01T11:33+0600
2026-09-01T11:33+0600
2026-09-01T11:33+0600
кыргызстан
шку
саммит
коопсуздук
коргонуу
энергетика
саясат
https://sputnik.kg/img/104469/23/1044692301_0:436:2453:1816_1920x0_80_0_0_7920df357dd1b6b881e8e1176832380c.jpg
БИШКЕК, 1-сен. — Sputnik. Бишкекте өтүп жаткан Шанхай кызматташтык уюмунун (ШКУ) саммитинде коопсуздук, энергетика, транспорт жана каржы тармагы боюнча маанилүү чечимдер кабыл алынышы мүмкүн. Бул тууралуу Sputnik радиосунун эфиринде Россия Илимдер академиясынын Кытай жана азыркы Азия институтунун эксперти Александр Перминов менен Чыгыш таануу институтунун илимий кызматкери Дарья Сапрынская билдиришти. Адистердин айтымында, бул жолку саммиттин жыйынтыгында уюмдун Уставына бир катар өзгөртүүлөр менен толуктоолор киргизилиши күтүлүүдө. Андан сырткары, Аймактык антитеррордук түзүмдү коркунучтардын баарына каршы күрөшүүчү универсалдуу борборго айландыруу пландалууда. Саммиттин күн тартибинде экономика жана энергетика башкы темалардан болот. Тармактык министрлер энергияны үнөмдөө жана туруктуу камсыздоо боюнча эки атайын билдирүү даярдашкан, алар жыйынтык декларациясына кириши ыктымал. Ошондой эле ШКУнун өнүктүрүү банкын жана энергетикалык консорциумун түзүү боюнча консультациялар уланууда. Уюмга төрагалык кылып жаткан Кыргызстандын сунуштарынын ичинен өзгөчө кырдаалдар учурунда жардам көрсөтүүчү фонд түзүү жана "ШКУ жашыл поезди" программасы өзгөчөлөнөт. Транспорт тармагында Кытай — Кыргызстан — Өзбекстан темир жол курулушу, автотранспорттук жүк ташуу уруксаттарын санариптештирүү жана чек арадан өтүүнү жеңилдетүү долбоорлору негизги орунда турат. Аналитиктердин пикиринде, учурда ШКУ үчүн санды көбөйтүү эмес, уюмдун ички ишин оптималдаштыруу жана иретке келтирүү маанилүү болуп турат. Кызматташууга ынтызар өлкөлөрдүн катарында Монголия менен Азербайжан аталганы менен, кеңейүү боюнча так чечимдер азырынча чыга элек. Ошондой эле адистер бул саммит Кыргызстандын эл аралык кадыр-баркына оң таасирин тийгизерин баса белгилешти. Алардын айтымында, тартылган инвестициялар жана эл аралык кызыгуунун реалдуу натыйжасы келечекте даана байкала баштайт. Эскерте кетсек, ШКУга 10 өлкө: Кыргызстан, Беларусь, Индия, Иран, Казакстан, Кытай, Пакистан, Россия, Тажикстан, Өзбекстан мүчө. Дагы 17 мамлекет байкоочу жана диалог боюнча өнөктөш макамына ээ.
https://sputnik.kg/20260901/shku-sammit-kadyr-bark-artuuda-1103357481.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, шку, саммит, коопсуздук, коргонуу, энергетика, саясат
кыргызстан, шку, саммит, коопсуздук, коргонуу, энергетика, саясат
БИШКЕК, 1-сен. — Sputnik. Бишкекте өтүп жаткан Шанхай кызматташтык уюмунун (ШКУ) саммитинде коопсуздук, энергетика, транспорт жана каржы тармагы боюнча маанилүү чечимдер кабыл алынышы мүмкүн. Бул тууралуу Sputnik радиосунун эфиринде Россия Илимдер академиясынын Кытай жана азыркы Азия институтунун эксперти Александр Перминов менен Чыгыш таануу институтунун илимий кызматкери Дарья Сапрынская билдиришти.
Адистердин айтымында, бул жолку саммиттин жыйынтыгында уюмдун Уставына бир катар өзгөртүүлөр менен толуктоолор киргизилиши күтүлүүдө. Андан сырткары, Аймактык антитеррордук түзүмдү коркунучтардын баарына каршы күрөшүүчү универсалдуу борборго айландыруу пландалууда.
Саммиттин күн тартибинде экономика жана энергетика башкы темалардан болот. Тармактык министрлер энергияны үнөмдөө жана туруктуу камсыздоо боюнча эки атайын билдирүү даярдашкан, алар жыйынтык декларациясына кириши ыктымал. Ошондой эле ШКУнун өнүктүрүү банкын жана энергетикалык консорциумун түзүү боюнча консультациялар уланууда.
"ШКУ суу талаштары боюнча арбитраждык чечим чыгаруу укугуна ээ эмес, андыктан маселени түздөн-түз чече албайт. Бирок уюм суу-энергетикалык долбоорлорду эки тараптуу форматтан көп тараптуу деңгээлге чыгарып, ири инвестицияларды тартуу үчүн ыңгайлуу саясий жана каржылык аянтча түзүп бере алат", — деп белгилешти эксперттер.
Уюмга төрагалык кылып жаткан Кыргызстандын сунуштарынын ичинен өзгөчө кырдаалдар учурунда жардам көрсөтүүчү фонд түзүү жана "ШКУ жашыл поезди" программасы өзгөчөлөнөт.
Транспорт тармагында Кытай — Кыргызстан — Өзбекстан темир жол курулушу, автотранспорттук жүк ташуу уруксаттарын санариптештирүү жана чек арадан өтүүнү жеңилдетүү долбоорлору негизги орунда турат.
Аналитиктердин пикиринде, учурда ШКУ үчүн санды көбөйтүү эмес, уюмдун ички ишин оптималдаштыруу жана иретке келтирүү маанилүү болуп турат. Кызматташууга ынтызар өлкөлөрдүн катарында Монголия менен Азербайжан аталганы менен, кеңейүү боюнча так чечимдер азырынча чыга элек.
Ошондой эле адистер бул саммит Кыргызстандын эл аралык кадыр-баркына оң таасирин тийгизерин баса белгилешти. Алардын айтымында, тартылган инвестициялар жана эл аралык кызыгуунун реалдуу натыйжасы келечекте даана байкала баштайт.
Эскерте кетсек, ШКУга 10 өлкө: Кыргызстан, Беларусь, Индия, Иран, Казакстан, Кытай, Пакистан, Россия, Тажикстан, Өзбекстан мүчө. Дагы 17 мамлекет байкоочу жана диалог боюнча өнөктөш макамына ээ.
