https://sputnik.kg/20260819/fedorov-shajloo-otkoruugo-chakyrdy-1103063238.html
Кыйын күнгө кептелдик. Украинанын экс-министри Федоров шайлоо өткөрүүгө чакырды
Кыйын күнгө кептелдик. Украинанын экс-министри Федоров шайлоо өткөрүүгө чакырды
Sputnik Кыргызстан
БИШКЕК, 19-авг. — Sputnik. Украинанын мурунку коргоо министри Михаил Федоров өлкө чоң кыйынчылыкка тушукканын айтып, шайлоо өткөрүүгө чакырды. Бул тууралуу РИА... 19.08.2026, Sputnik Кыргызстан
2026-08-19T09:45+0600
2026-08-19T09:45+0600
2026-08-19T09:45+0600
дүйнөдө
украина
шайлоо
атайын операция
михаил федоров
https://sputnik.kg/img/07ea/08/13/1103062884_0:0:3072:1728_1920x0_80_0_0_86f4ce016b9824c3a47c293d32709951.jpg.webp
БИШКЕК, 19-авг. — Sputnik. Украинанын мурунку коргоо министри Михаил Федоров өлкө чоң кыйынчылыкка тушукканын айтып, шайлоо өткөрүүгө чакырды. Бул тууралуу РИА Новости жазды. YouTube баракчасындагы видеокайрылуусунда экс-министр ушу тапта Украинадагы демократиялык процессти толук менен калыбына келтире турган мыйзамдуу, коопсуз, натыйжа бере турган жолду табуу керектигин белгилеген. Анын айтымында, эл тигил же бул чечимдер кандай зарылдыктан улам кабыл алып жатканын, бири реформага умтулса, айрымдар, тескерисинче, обочолонуп жаткан себебин түшүнбөй жашай бере албайт. Федоров Украина башкаруу кризисине кабылганын белгилеп, эски система өз эрежеси менен жашап, өзүн гана коргоп, бир нерсе өзгөртүүдөн коркуп жатканын кошумчалаган. "Шайлоо — бул бюллетень эле эмес. Бул — бийлик "биз муну жасадык, эми бизге ишенер-ишенбесиңерди чечкиле" деп айта турган учур. Дал ушул принцип демократиялык мамлекетти бааланчу учурду бийлик өзү чечкен системадан айырмалап турат", — деди Федоров. Владимир Зеленскийдин мөөнөтү 2024-жылдын 20-майында соңуна чыккан. Шайлоо мартта өтүшү керек болчу, бирок согуштук абал жана жалпы мобилизациянын шылтоосу менен өткөрүлгөн эмес. 2025-жылдын декабрында АКШ президенти Дональд Трамп Украинада шайлоо өткөрүүгө чакырган. Ага чейин Зеленскийди диктатор деп, рейтинги төрт пайызга түшүп калганын сындаган. Киев шайлоо өткөрүүгө даяр экенин, бирок мында АКШ менен Европа коопсуздукту камсыздап бериши керектигин айтып жооп кайтарган.
https://sputnik.kg/20260818/ukraina-byudzhetin-batyshtyn-akchasy-da-saktap-kala-albajt-1103051761.html
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, украина, шайлоо, атайын операция, михаил федоров
дүйнөдө, украина, шайлоо, атайын операция, михаил федоров
БИШКЕК, 19-авг. — Sputnik. Украинанын мурунку коргоо министри Михаил Федоров өлкө чоң кыйынчылыкка тушукканын айтып, шайлоо өткөрүүгө чакырды. Бул тууралуу
РИА Новости жазды.
YouTube баракчасындагы видеокайрылуусунда экс-министр ушу тапта Украинадагы демократиялык процессти толук менен калыбына келтире турган мыйзамдуу, коопсуз, натыйжа бере турган жолду табуу керектигин белгилеген.
"Аскер адамдары, чет жакта жүргөн миллиондогон украиналыктар, согуш жүрүп жаткан аймактагы тургундар добуш бере алгыдай кылуу зарыл, шайлоо процессинин коопсуздугун камсыздоо керек. Шайлоонун жыйынтыгы күмөн санатпагыдай болушу кажет. Бул — өтө катаал жол. Бирок ишке ашырууга болбойт деш жарабайт", — деген Федоров.
Анын айтымында, эл тигил же бул чечимдер кандай зарылдыктан улам кабыл алып жатканын, бири реформага умтулса, айрымдар, тескерисинче, обочолонуп жаткан себебин түшүнбөй жашай бере албайт. Федоров Украина башкаруу кризисине кабылганын белгилеп, эски система өз эрежеси менен жашап, өзүн гана коргоп, бир нерсе өзгөртүүдөн коркуп жатканын кошумчалаган.
"Шайлоо — бул бюллетень эле эмес. Бул — бийлик "биз муну жасадык, эми бизге ишенер-ишенбесиңерди чечкиле" деп айта турган учур. Дал ушул принцип демократиялык мамлекетти бааланчу учурду бийлик өзү чечкен системадан айырмалап турат", — деди Федоров.
Владимир Зеленскийдин мөөнөтү 2024-жылдын 20-майында соңуна чыккан. Шайлоо мартта өтүшү керек болчу, бирок согуштук абал жана жалпы мобилизациянын шылтоосу менен өткөрүлгөн эмес. 2025-жылдын декабрында АКШ президенти Дональд Трамп Украинада шайлоо өткөрүүгө чакырган. Ага чейин Зеленскийди диктатор деп, рейтинги төрт пайызга түшүп калганын сындаган. Киев шайлоо өткөрүүгө даяр экенин, бирок мында АКШ менен Европа коопсуздукту камсыздап бериши керектигин айтып жооп кайтарган.
