“Алыкул ФЕСТ – 2026”: калемгерлерге ыр сынагы жарыяланды
11:04 04.08.2026 (Жаңыртылды: 11:16 04.08.2026)
“Алыкул ФЕСТ – 2026”: калемгерлерге ыр сынагы жарыяланды
Жазылуу
Коноктор
Замирбек Асаналиев, Алыкул Осмонов атындагы мамлекеттик мемориалдык комплекстин директору
Өлкөбүздүн эгемендүүлүгүнүн 35 жылдыгына, Чүй облусунун 100 жылдыгына жана Алыкул Осмонов атындагы адабий ийримдин 45 жылдыгына арналган, кыргыз поэзиясынын чолпон жылдызы Алыкул Осмоновдун ысымын алган “Алыкул ФЕСТ – 2026” эл аралык поэзия фестивалы уюштурулууда. Фестивалдын алкагында жаш жана тажрыйбалуу акындар “Алыкул – Ата-Журттун акыны”, “Эгемендүүлүк – эл энчиси”, “Чүйүбүз – куттуу үйүбүз” темаларына ыр жазып, кароо-сынакка катыша алышат. Ырлар 26-август саат 18:00гө чейин кабыл алынат. Фестивалдын жыйынтыктоочу иш-чарасы Алыкул Осмоновдун мемориалдык комплексинде өтүп, жеңүүчүлөргө атайын сыйлыктар тапшырылмакчы. Уктуруубузда фестивалдын максаты, өзгөчөлүктөрү жана уюштуруу иштери, үй-музейи, мемориалдык комплекси тууралуу Алыкул Осмонов атындагы мамлекеттик мемориалдык комплекстин директору, Замирбек Асаналиев менен маек курдук.
