https://sputnik.kg/20260716/batysh-prezidenttike-dayardagan-ministrdi-zelenskiy-ishten-aldy-1102450186.html
ЖМК: Батыш президенттике даярдап жаткан министрди Зеленский иштен алды
ЖМК: Батыш президенттике даярдап жаткан министрди Зеленский иштен алды
Sputnik Кыргызстан
Коргонуу министринин отставкасынан кийин Украинада эл жапырт нааразылыкка чыккан. 16.07.2026, Sputnik Кыргызстан
2026-07-16T18:06+0600
2026-07-16T18:06+0600
2026-07-16T18:06+0600
дүйнөдө
украина
владимир зеленский
бийлик
геосаясат
талапкер
https://sputnik.kg/img/07e9/05/14/1094087301_0:0:3072:1728_1920x0_80_0_0_9accf2a72794bb39c1cae19251108a48.jpg
БИШКЕК, 16-июл. — Sputnik. Владимир Зеленский иштен кеткен коргоо министри Михаил Федоровго аны Батыш Украина президенттигине түртүп жатканына ичи чыкпай жүргөн. РИА Новости "Страна. ua" басылмасына шилтеме кылып, аны кызматтан алгандан кийин кеңешчиликти сунуштаганын жазды. ЖМКлардын жазганына караганда, Федоровго Зеленскийдин көзү түз болбой бараткан. Биринчиден, ал грант берген чөйрөлөргө, европалык түзүмдөргө, АКШнын демократиялык партиясына, Украинанын Коррупцияга каршы улуттук бюросуна, өлкөнүн антикоррупциялык адистешкен прокуратурасына таянып өз алдынча саясий оюн жүргүзө баштаган. Ал тургай, аталган чөйрөлөрдө аны тынчтык орногондон кийинки Украинанын президенттик кызматына негизги талапкерлердин бири катары ачык эле көрө башташкан. Экинчиден, эбегейсиз чоң аскердик бюджетти көзөмөлдөө үчүн айыгышкан күрөш жүргөн. Федоров каражатты "өздөштүрүүчүлөрдүн" (өзгөчө дрон чыгаруучулардын арасында) өзүнчө бир экосистемасын түзүп алган. Бул топ Зеленскийдин кеңсесине жакын чөйрөлөр менен дайыма эле тил табыша алган эмес. Чыңалуунун дагы бир себеби Украина Куралдуу күчтөрүнүн башчысы Александ Сырскийдин отставкасы боюнча Федоровдун жасаган активдүү кампаниясы болду. Зеленский үчүн Сырский армиянын көзөмөлдөп турган күч эле. Мындан улам Киев бийлигинин башчысынын итатайы тутулган. Анткен менен Валерий Залужныйдын окуясын кайталагысы келбей, дароо саясий салмак топтоого аракет кылды. Федоровдун бул кадамын өзүнө ишенимдүү колдоочусунан ажыратып, кийинкисин башкара албагыдай кылып жатат деп кабылдаган. Министрдин отставкасынан кийин Украинада эл жапырт наааразылыкка чыккан. Серепчилер Федоровду кызматтан алуу Зеленскийдин жасай турган ишинин "тырмак алды" аракети деп баалап жатышат. Тагыраагы, кийин арканды алыс таштап, Украинанын Коррупцияга каршы улуттук бюросун, өлкөнүн антикоррупциялык адистешкен прокуратураны көзөмөлдөөгө далалат кылат дешти. Дал ушул органдар Батыштын Зеленскийге басым жасашына курал болуп бергенин айтышууда.
https://sputnik.kg/20260331/zelenskiy-akchalary-tuuraluu-maalymat-1100526043.html
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, украина, владимир зеленский, бийлик, геосаясат, талапкер
дүйнөдө, украина, владимир зеленский, бийлик, геосаясат, талапкер
ЖМК: Батыш президенттике даярдап жаткан министрди Зеленский иштен алды
Коргонуу министринин отставкасынан кийин Украинада эл жапырт нааразылыкка чыккан.
БИШКЕК, 16-июл. — Sputnik. Владимир Зеленский иштен кеткен коргоо министри Михаил Федоровго аны Батыш Украина президенттигине түртүп жатканына ичи чыкпай жүргөн.
РИА Новости "Страна. ua" басылмасына шилтеме кылып, аны кызматтан алгандан кийин кеңешчиликти сунуштаганын жазды.
ЖМКлардын жазганына караганда, Федоровго Зеленскийдин көзү түз болбой бараткан.
Биринчиден, ал грант берген чөйрөлөргө, европалык түзүмдөргө, АКШнын демократиялык партиясына, Украинанын Коррупцияга каршы улуттук бюросуна, өлкөнүн антикоррупциялык адистешкен прокуратурасына таянып өз алдынча саясий оюн жүргүзө баштаган. Ал тургай, аталган чөйрөлөрдө аны тынчтык орногондон кийинки Украинанын президенттик кызматына негизги талапкерлердин бири катары ачык эле көрө башташкан.
Экинчиден, эбегейсиз чоң аскердик бюджетти көзөмөлдөө үчүн айыгышкан күрөш жүргөн. Федоров каражатты "өздөштүрүүчүлөрдүн" (өзгөчө дрон чыгаруучулардын арасында) өзүнчө бир экосистемасын түзүп алган. Бул топ Зеленскийдин кеңсесине жакын чөйрөлөр менен дайыма эле тил табыша алган эмес.
Чыңалуунун дагы бир себеби Украина Куралдуу күчтөрүнүн башчысы Александ Сырскийдин отставкасы боюнча Федоровдун жасаган активдүү кампаниясы болду. Зеленский үчүн Сырский армиянын көзөмөлдөп турган күч эле. Мындан улам Киев бийлигинин башчысынын итатайы тутулган. Анткен менен Валерий Залужныйдын окуясын кайталагысы келбей, дароо саясий салмак топтоого аракет кылды. Федоровдун бул кадамын өзүнө ишенимдүү колдоочусунан ажыратып, кийинкисин башкара албагыдай кылып жатат деп кабылдаган.
Министрдин отставкасынан кийин Украинада эл жапырт наааразылыкка чыккан.
Серепчилер Федоровду кызматтан алуу Зеленскийдин жасай турган ишинин "тырмак алды" аракети деп баалап жатышат. Тагыраагы, кийин арканды алыс таштап, Украинанын Коррупцияга каршы улуттук бюросун, өлкөнүн антикоррупциялык адистешкен прокуратураны көзөмөлдөөгө далалат кылат дешти. Дал ушул органдар Батыштын Зеленскийге басым жасашына курал болуп бергенин айтышууда.
