Кыргызстан менен Грузиянын тышкы иштер министрлери жолукту. Эмне кеп болду
21:52 11.06.2026 (Жаңыртылды: 09:37 12.06.2026)
© МИД КР
Жазылуу
БИШКЕК, 11-июн. — Sputnik. Кыргызстан менен Грузия соода, транспорт, туризм жана санариптештирүү тармактарында өнөктөштүктү бекемдөөнү макулдашканын Тышкы иштер министрлиги маалымдады.
Билдирүүгө ылайык, бул маселелер тышкы иштер министри Жээнбек Кулубаев менен грузиялык кесиптеши Мака Бочоришвилинин жолугушуусунда талкууланды. Ал Бишкекке Грузиянын премьер-министри Ираклий Кобахидзенин расмий сапарынын алкагында келген.
Сүйлөшүүлөрдүн жүрүшүндө тараптар кыргыз-грузин кызматташтыгынын учурдагы абалын жана келечегин талкуулап, саясий диалогду мындан ары өнүктүрүүнүн жана эки тараптуу өнөктөштүктү чыңдоонун маанилүүлүгүн белгилешкен.
Грузиянын тышкы саясий ведомствосунун башчысы кыргыз тарапты Кыргызстандын 2027–2028-жылдарга Бириккен Улуттар Уюмунун Коопсуздук кеңешинин туруктуу эмес мүчөсү болуп шайланышы менен куттуктады. Мындан тышкары, аталган шайлоо өнөктүгүн өткөрүү боюнча Кыргызстандын тажрыйбасын изилдөөгө кызыкдар экендигин билдирди.
Өз кезегинде Жээнбек Кулубаев Грузияны 2027-жылдын октябрь айында өтө турган Экинчи Тоо саммитине катышууга чакырды. Жыйынтыгында тараптар кыргыз-грузин кызматташтыгын мындан ары кеңейтүүгө кызыкдар экенин ырасташты.
Билдирүүгө ылайык, бул маселелер тышкы иштер министри Жээнбек Кулубаев менен грузиялык кесиптеши Мака Бочоришвилинин жолугушуусунда талкууланды. Ал Бишкекке Грузиянын премьер-министри Ираклий Кобахидзенин расмий сапарынын алкагында келген.
Сүйлөшүүлөрдүн жүрүшүндө тараптар кыргыз-грузин кызматташтыгынын учурдагы абалын жана келечегин талкуулап, саясий диалогду мындан ары өнүктүрүүнүн жана эки тараптуу өнөктөштүктү чыңдоонун маанилүүлүгүн белгилешкен.
Грузиянын тышкы саясий ведомствосунун башчысы кыргыз тарапты Кыргызстандын 2027–2028-жылдарга Бириккен Улуттар Уюмунун Коопсуздук кеңешинин туруктуу эмес мүчөсү болуп шайланышы менен куттуктады. Мындан тышкары, аталган шайлоо өнөктүгүн өткөрүү боюнча Кыргызстандын тажрыйбасын изилдөөгө кызыкдар экендигин билдирди.
Өз кезегинде Жээнбек Кулубаев Грузияны 2027-жылдын октябрь айында өтө турган Экинчи Тоо саммитине катышууга чакырды. Жыйынтыгында тараптар кыргыз-грузин кызматташтыгын мындан ары кеңейтүүгө кызыкдар экенин ырасташты.
