Астанадагы ЕАЭБ жыйынынын соңу менен 12 документке кол коюлду. Тизме
19:05 29.05.2026 (Жаңыртылды: 19:27 29.05.2026)
Жазылуу
БИШКЕК, 29-май — Sputnik. Жогорку Евразиялык экономикалык кеңештин (ЖЕЭК) жыйынынын соңу менен бир катар документтерге кол коюлду. Бул тууралуу "Ынтымак ордо" кабарлады.
Эскерте кетсек, саммит Астана шаарында өттү. Ага Кыргызстандын, Казакстан, Беларусь, Россия президенттери жана Армениянын вице-премьери катышкан.
Документтердин тизмеси:
Тунис Республикасы менен эркин соода жөнүндө макулдашуу түзүү боюнча сүйлөшүүлөрдү баштоо тууралуу;
Сербия Республикасы менен эркин соода аймагы жөнүндө макулдашууга өзгөртүүлөрдү киргизүү боюнча протокол түзүү тууралуу сүйлөшүүлөрдү баштоо жөнүндө;
"Евразия экономикалык бирлигине мүчө мамлекеттердин айыл чарба өсүмдүктөрүнүн сортторун сыноо жана үрөн чарбасы тармагындагы мыйзамдарын бир түрдүү системага келтирүүгө багытталган чаралардын тизмеси жөнүндө" Жогорку Евразиялык экономикалык кеңештин 2021-жылдын 21-майындагы №7 чечимин ишке ашыруу тууралуу;
Жогорку Евразиялык экономикалык кеңештин 2023-жылдын 25-майындагы №4 чечимине өзгөртүүлөрдү киргизүү жөнүндө (агроөнөр жай тармагындагы биргелешкен кооперациялык долбоорлорду каржылоо);
Жогорку Евразиялык экономикалык кеңештин 2019-жылдын 20-декабрындагы №31 чечимине өзгөртүүлөрдү киргизүү жөнүндө (жалпы электр энергия рыногу боюнча);
Табигый монополия субъекттеринин ишмердүүлүгүн жөнгө салуунун бирдиктүү принциптери жана эрежелери тууралуу протоколдун 20-пунктунун 5-пунктчасына ылайык маалымат берүү жөнүндө;
Евразия экономикалык бирлигинин алкагында кызмат көрсөтүүлөрдүн айрым секторлорун либералдаштыруу пландарын ишке ашыруу жөнүндө;
Евразия экономикалык бирлигинин Бюджети жөнүндө жобого өзгөртүүлөрдү киргизүү жөнүндө;
Казакстан Республикасынын жер казынасын пайдалануу чөйрөсүндө келип чыккан укуктук мамилелерге карата Евразия экономикалык бирлиги жөнүндө 2014-жылдын 29-майындагы келишимге импорттук бажы алымдарынын суммаларын бөлүштүрүү жөнүндөгү жоболорун жайылтпоо бөлүгүндө Өзгөртүүлөрдү киргизүү жөнүндө протоколго кол коюу тууралуу;
2010-жылдын 5-июлундагы Бажы бирлигинин жана бажы бирлигине мүчө мамлекеттердин бажы мыйзамдарын бузгандыгы үчүн кылмыш-жаза жана административдик жоопкерчилик өзгөчөлүктөрү жөнүндө келишимге Өзгөртүүлөрдү киргизүү тууралуу протоколго кол коюу жөнүндө;
2014-жылдын 29-майындагы Евразия экономикалык бирлиги жөнүндө келишимге Евразия экономикалык бирлигине мүчө мамлекеттер тарабынан агроөнөр жай комплексинин тармактарында биргелешкен кооперациялык долбоорлорду ишке ашырууда финансылык көмөк көрсөтүү бөлүгүндө Өзгөртүүлөрдү киргизүү тууралуу протоколго кол коюу жөнүндө;
ЖЕЭК кезектеги жыйынын өткөрүү убактысы жана жери жөнүндө.
