https://sputnik.kg/20260529/askerge-bargysy-kelgender-koboydu-1101589621.html
Касымалиев: аскердик кызматтын кадыры артып, жаштар көбүрөөк кызыгууда
Касымалиев: аскердик кызматтын кадыры артып, жаштар көбүрөөк кызыгууда
Sputnik Кыргызстан
БИШКЕК, 29-май — Sputnik. Аскердик милдетин өтөөгө умтулгандар көбөйүп, жаштар арасында аталган кызматтын кадыр-баркы өсүп баратат. Бул туурасында министрлер... 29.05.2026, Sputnik Кыргызстан
2026-05-29T13:43+0600
2026-05-29T13:43+0600
2026-05-29T13:43+0600
кыргызстан
адылбек касымалиев
куралдуу күчтөр
армия
аскердик милдет
кадыр
жоокер
https://sputnik.kg/img/07ea/05/1d/1101588565_0:133:1280:853_1920x0_80_0_0_20c93a02f8e7e784cdfd6c234f9bcccf.jpg
БИШКЕК, 29-май — Sputnik. Аскердик милдетин өтөөгө умтулгандар көбөйүп, жаштар арасында аталган кызматтын кадыр-баркы өсүп баратат. Бул туурасында министрлер кабинетинин төрагасы Адылбек Касымалиев Куралдуу күчтөрдүн 34 жылдыгына арналган салтанатта билдирди. Өкмөт башчы аскер кызматкерлерин, Куралдуу күчтөрдүн ардагерлерин жана жалпы катышуучуларды бүгүнкү мааракелүү окуя менен куттуктап, мамлекеттин эгемендүүлүгүн, аймактык бүтүндүгүн жана коопсуздугун камсыз кылууда улуттук армиянын ролу зор экенин белгиледи. Кыргызстандын Куралдуу күчтөрүн түзүү эгемендүү мамлекеттин өнүгүүсүндөгү чечүүчү этап болгонун баса белгиледи. Армияны түзүүнүн татаал жолуна карабастан Куралдуу күчтөр даңктуу салттардын уландысын сактап, потенциалын ырааттуу түрдө чыңдап келе жатканы белгиленди. Төрага улуттук Куралдуу күчтөрдү түзүүгө демилгечи болгон армиянын ардагерлерине жана аскер башчыларына ыраазылык билдирип, алардын өлкөнүн коргонуу жөндөмдүүлүгүн өнүктүрүүгө жана чыңдоого кошкон салымын баса белгиледи. Касымалиев сөзүндө армияны модернизациялоого өзгөчө көңүл бурулганын белгилеп, жаңы имараттар, аскер шаарчалары, казармалар курулуп, аскер кызматкерлеринин кызмат өтөө жана жашоо сапатын жакшыртуу үчүн зарыл шарттар түзүлүп жатканына токтолду. Сөзүнүн соңунда аскер кызматчыларына чын дилден кызмат өтөгөндүгү үчүн ыраазылыгын айтып, аларга жана үй-бүлөсүнө бекем ден соолук, бакубат жашоо каалады.
https://sputnik.kg/20260528/batkende-zhayy-chek-ara-postu-achyldy-1101559502.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, адылбек касымалиев, куралдуу күчтөр, армия, аскердик милдет, кадыр, жоокер
кыргызстан, адылбек касымалиев, куралдуу күчтөр, армия, аскердик милдет, кадыр, жоокер
БИШКЕК, 29-май — Sputnik. Аскердик милдетин өтөөгө умтулгандар көбөйүп, жаштар арасында аталган кызматтын кадыр-баркы өсүп баратат. Бул туурасында министрлер кабинетинин төрагасы Адылбек Касымалиев Куралдуу күчтөрдүн 34 жылдыгына арналган салтанатта билдирди.
Өкмөт башчы аскер кызматкерлерин, Куралдуу күчтөрдүн ардагерлерин жана жалпы катышуучуларды бүгүнкү мааракелүү окуя менен куттуктап, мамлекеттин эгемендүүлүгүн, аймактык бүтүндүгүн жана коопсуздугун камсыз кылууда улуттук армиянын ролу зор экенин белгиледи.
Кыргызстандын Куралдуу күчтөрүн түзүү эгемендүү мамлекеттин өнүгүүсүндөгү чечүүчү этап болгонун баса белгиледи. Армияны түзүүнүн татаал жолуна карабастан Куралдуу күчтөр даңктуу салттардын уландысын сактап, потенциалын ырааттуу түрдө чыңдап келе жатканы белгиленди.
Төрага улуттук Куралдуу күчтөрдү түзүүгө демилгечи болгон армиянын ардагерлерине жана аскер башчыларына ыраазылык билдирип, алардын өлкөнүн коргонуу жөндөмдүүлүгүн өнүктүрүүгө жана чыңдоого кошкон салымын баса белгиледи.
Касымалиев сөзүндө армияны модернизациялоого өзгөчө көңүл бурулганын белгилеп, жаңы имараттар, аскер шаарчалары, казармалар курулуп, аскер кызматкерлеринин кызмат өтөө жана жашоо сапатын жакшыртуу үчүн зарыл шарттар түзүлүп жатканына токтолду.
"Кыргызстан тынчтыкты сүйгөн тышкы саясатты карманып, коңшулук ынак мамилелерди жана эл аралык кызматташтыкты КМШ, ЖККУ, ШКУ жана башка эл аралык уюмдардын алкагында өнүктүрөт. Буга байланыштуу биргелешкен эл аралык аскердик машыгууларды жана аймактык коопсуздукту чыңдоо маанилүү", — деди Касымалиев.
Сөзүнүн соңунда аскер кызматчыларына чын дилден кызмат өтөгөндүгү үчүн ыраазылыгын айтып, аларга жана үй-бүлөсүнө бекем ден соолук, бакубат жашоо каалады.
