https://sputnik.kg/20251219/yevropa-kiyev-90-mlrd-beret-1098702066.html
Европа биримдиги Киевге 90 миллиард евро берет
Европа биримдиги Киевге 90 миллиард евро берет
Sputnik Кыргызстан
БИШКЕК, 19-дек. — Sputnik. Европа биримдигине кирген мамлекеттер 2026-2027-жылдарга карата Украинага жардам катары 90 миллиард евро берүүнү макулдашты. Бул... 19.12.2025, Sputnik Кыргызстан
2025-12-19T09:37+0600
2025-12-19T09:37+0600
2025-12-19T10:44+0600
дүйнөдө
украина
киев
евробиримдик
антониу кошта
россиянын донбассты коргоо боюнча атайын операциясы
https://sputnik.kg/img/07e9/0c/13/1098701485_0:106:3265:1943_1920x0_80_0_0_4e1856ac0b5561a04977ae5b5e752120.jpg
БИШКЕК, 19-дек. — Sputnik. Европа биримдигине кирген мамлекеттер 2026-2027-жылдарга карата Украинага жардам катары 90 миллиард евро берүүнү макулдашты. Бул тууралуу Еврокеңештин башчысы Антониу Кошта X социалдык тармагында билдирди. Бирок ал каржылоонун булагын тактаган жок. Германиянын канцлери Фридрих Мерцтин билдирүүсүнө караганда, Украина Европа биримдигинен пайызсыз насыя алат жана аны Москва тарабынан "кенемте" төлөнгөндөн кийин гана кайтарышы керек болот. РФтин активдери ага чейин тоңдурулган бойдон калат. Венгриянын премьери Виктор Орбан бул насыяны асманга чачылган акчага салыштырып, буга аралашпаганына шүгүр келтирген. Bloomberg агенттигинин маалыматы боюнча, Киевге акчаны ЕБ бюджетинин эсебинен бөлүү каралууда. Европа лидерлери Россиянын тоңдурулган активдерин пайдалануу боюнча макулдаша алышкан жок. Буга чейин Reuters агенттиги дипломатиялык булакка таянып, россиялык активдерди конфискациялоо планы кийинкиге жылдырылганын билдирген. Ал эми Европа биримдигинин лидерлери Еврокеңештин саммитинин биринчи күнүнүн жыйынтыгында Россиянын Борбордук банкынын активдерин пайдалануу боюнча макулдашууга келе алышкан жок, бул тема жолугушуудан кийин жарыяланган билдирүүдө да камтылган эмес. Активдер айланасындагы абал Атайын операциялар башталгандан кийин Евробиримдик жана G7 өлкөлөрү Россиянын валюталык резервинин жарымына жакынын бөгөттөгөн. ЕБде 200 миллиард евродон ашык каражат бар, алар негизинен Бельгиянын Euroclear эсебинде турат. Жооп иретинде Москва чектөөлөрдү киргизген. Достук мамиледе эмес мамлекеттердин чет өлкөлүк инвесторлорунун активдери жана алардан түшкөн кирешелер "С" тибиндеги атайын эсептерде топтолот. Аларды чыгарууга өкмөттүк комиссиянын атайын чечими менен гана уруксат берилет. Ошол эле учурда канча убакытка чейин болсо да Украинаны каржылоого жардам берүүнү убадалаган Брюссель болгон ресурсунун бардыгын түгөттү. Ал эми биримдиктеги өлкөлөр бул үчүн өз бюджеттеринен каражат бөлүүнү каалабай турат. Ушул тапта Еврокомиссия Бельгияны Украинаны каржылоого россиялык активдерди колдонууга көндүрүү аракетинде, бирок падышалыктын бийлиги мындай кадамга баруудан баш тартууда. Кеп репарациялык насыя деп аталган 185 миллиарддан 210 миллиард еврого чейинки сумма тууралуу болууда. Айрым маалыматтарга ылайык, Украина бул каражатты согуш бүткөндөн кийин Москва ага материалдык зыяндын ордун төлөп берсе кайтармай болгон. Өз кезегинде Россиянын Борбордук банкы Euroclear банкынын үстүнөн 18 триллион рубль суммага доо арыз берген.
https://sputnik.kg/20251218/zakharova-ukraina-batysh-askerleri-tuuraluu-1098699025.html
украина
киев
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, украина, киев, евробиримдик, антониу кошта
дүйнөдө, украина, киев, евробиримдик, антониу кошта
БИШКЕК, 19-дек. — Sputnik. Европа биримдигине кирген мамлекеттер 2026-2027-жылдарга карата Украинага жардам катары 90 миллиард евро берүүнү макулдашты. Бул тууралуу Еврокеңештин башчысы Антониу Кошта
X социалдык тармагында билдирди.
"Биз келиштик. Украинага 2026-27-жылдарга 90 миллиард евро жардам берүү чечими жактырылды", — деп жазды Кошта.
Бирок ал каржылоонун булагын тактаган жок.
Германиянын канцлери Фридрих Мерцтин билдирүүсүнө караганда, Украина Европа биримдигинен пайызсыз насыя алат жана аны Москва тарабынан "кенемте" төлөнгөндөн кийин гана кайтарышы керек болот. РФтин активдери ага чейин тоңдурулган бойдон калат.
Венгриянын премьери Виктор Орбан бул насыяны асманга чачылган акчага салыштырып, буга аралашпаганына шүгүр келтирген.
Bloomberg агенттигинин маалыматы боюнча, Киевге акчаны ЕБ бюджетинин эсебинен бөлүү каралууда. Европа лидерлери Россиянын тоңдурулган активдерин пайдалануу боюнча макулдаша алышкан жок.
Буга чейин Reuters агенттиги дипломатиялык булакка таянып, россиялык активдерди конфискациялоо планы кийинкиге жылдырылганын билдирген.
Ал эми Европа биримдигинин лидерлери Еврокеңештин саммитинин биринчи күнүнүн жыйынтыгында Россиянын Борбордук банкынын активдерин пайдалануу боюнча макулдашууга келе алышкан жок, бул тема жолугушуудан кийин жарыяланган билдирүүдө да камтылган эмес.
Активдер айланасындагы абал
Атайын операциялар башталгандан кийин Евробиримдик жана G7 өлкөлөрү Россиянын валюталык резервинин жарымына жакынын бөгөттөгөн. ЕБде 200 миллиард евродон ашык каражат бар, алар негизинен Бельгиянын Euroclear эсебинде турат.
Жооп иретинде Москва чектөөлөрдү киргизген. Достук мамиледе эмес мамлекеттердин чет өлкөлүк инвесторлорунун активдери жана алардан түшкөн кирешелер "С" тибиндеги атайын эсептерде топтолот. Аларды чыгарууга өкмөттүк комиссиянын атайын чечими менен гана уруксат берилет.
Ошол эле учурда канча убакытка чейин болсо да Украинаны каржылоого жардам берүүнү убадалаган Брюссель болгон ресурсунун бардыгын түгөттү. Ал эми биримдиктеги өлкөлөр бул үчүн өз бюджеттеринен каражат бөлүүнү каалабай турат.
Ушул тапта Еврокомиссия Бельгияны Украинаны каржылоого россиялык активдерди колдонууга көндүрүү аракетинде, бирок падышалыктын бийлиги мындай кадамга баруудан баш тартууда.
Кеп репарациялык насыя деп аталган 185 миллиарддан 210 миллиард еврого чейинки сумма тууралуу болууда. Айрым маалыматтарга ылайык, Украина бул каражатты согуш бүткөндөн кийин Москва ага материалдык зыяндын ордун төлөп берсе кайтармай болгон.
Өз кезегинде Россиянын Борбордук банкы Euroclear банкынын үстүнөн 18 триллион рубль суммага доо арыз берген.
18 Бештин айы 2025, 23:35
