Самат Кыргыз Бишкектеги бокс боюнча турнирде жеңишке жетти. Видео
17:04 27.10.2025 (Жаңыртылды: 17:06 27.10.2025)
© Фото / Алия Бейшеева
Жазылуу
БИШКЕК, 27-окт. — Sputnik. Бишкекте профессионалдык бокстун эл аралык кечеси өттү.
Башкы кармашта Самат Кыргыз Абдрахманов зимбабвелик спортчу Брендон Денес менен рингге чыкты. Натыйжада калыстар бир добуштан жеңишти кыргыз боксчусуна ыйгарышты. Ата мекендик спортчу беттештин алгачкы раунддарында эле мыкты техниканы колдонуп, так соккуларды урган. Анын жеңиши турнирдин бүйүр кызыткан учурларынын бири болду.
Saikou X Lush Boxing Promotions компаниясы уюштурган турнирге Кыргызстандын жана башка өлкөлөрдүн эң күчтүү боксчулары катышты. Беттештердин арасында WBA Asia, WBA жана IBF версиялары боюнча титулдук мелдештер да болду.
1/3
© Фото / Алия Бейшеева
Башкы кармашта Самат Кыргыз Абдрахманов зимбабвелик спортчу Брендон Денес менен рингге чыкты
2/3
© Фото / Алия Бейшеева
Натыйжада калыстар бир добуштан жеңишти кыргыз боксчусуна ыйгарышты
3/3
© Фото / Алия Бейшеева
Ата мекендик спортчу беттештин алгачкы раунддарында эле мыкты техниканы колдонуп, так соккуларды урган. Анын жеңиши турнирдин бүйүр кызыткан учурларынын бири болду
1/3
© Фото / Алия Бейшеева
Башкы кармашта Самат Кыргыз Абдрахманов зимбабвелик спортчу Брендон Денес менен рингге чыкты
2/3
© Фото / Алия Бейшеева
Натыйжада калыстар бир добуштан жеңишти кыргыз боксчусуна ыйгарышты
3/3
© Фото / Алия Бейшеева
Ата мекендик спортчу беттештин алгачкы раунддарында эле мыкты техниканы колдонуп, так соккуларды урган. Анын жеңиши турнирдин бүйүр кызыткан учурларынын бири болду
Турнирдин жыйынтыгы:
Жеңишбек Улпатов (Кыргызстан) Рикито Иританы (Япония) калыстардын добушу менен жеңди;
Рыспек Бектенов (Кыргызстан) Кен Данилди (Филиппин) бир добуштан жеңди;
Икболжон Холдаров (Өзбекстан) бешинчи раундда техникалык нокаут менен Арген Кадырбек уулун (Кыргызстан) жеңип алды;
Рёма Моримото (Япония) Нуржигит Дүйшебаевди (Кыргызстан) калыстардын добушу менен жеңди;
Сыргак Абдыжапар уулу (Кыргызстан) Абааси Ссегуяны (Уганда) 3-раундда техникалык нокаут менен жеңди;
Сакен Бибосинов (Казакстан) Адилет Качкинбековду (Кыргызстан) бир добуштан жеңди;
Кеннет Лловер (Филиппин) Лучано Балдорду (Аргентина) техникалык нокаут менен жеңди;
Луис Нери (Мексика) Сатапорн Саартты (Аргентина) утту.
