Лавров: Россия согуш даярдап жаткандарга аба мейкиндигин бузуп киргенге жол бербейт
11:50 28.09.2025 (Жаңыртылды: 12:05 28.09.2025)
© Sputnik / Игорь Егоров
/ Жазылуу
БИШКЕК, 28-сен. — Sputnik. Россия ага ачык согушту даярдап жаткандарга өзүнүн аба мейкиндигин бузуп киришине жол бербейт. Бул тууралуу РФ тышкы иштер министри Сергей Лавров БУУнун Башкы Ассамблеясынын 80-сессиясынын жыйынтыгы боюнча өткөн маалымат жыйында айтканын РИА Новости агенттиги жазды.
"Президент (Владимир Путин — ред.) Европада бизге ачык согуш даярдап жаткандарга биздин аймакты, аба мейкиндигибизди бузуп киришине жол берилбей турганын айтып келет", — деди Лавров
Министр Россиянын аба мейкиндигинде учуп жүргөн аппараттарды атып түшүрүүгө ким аракет кылса өкүнө турганын белгилеген. Ошондой эле ал Россия ракета менен пилотсуз учуучу аппараттарды Европа мамлекеттеринин жана НАТОго кирген өлкөлөрдүн объектилерине багыттабай турганын эскерткен.
РФ ТИМ башчысынын маалымат жыйында айткандарынын урунттуу учурларын тизмектедик.
Укриана тууралуу:
Киев тараптын 2022-жылдагы чек араларга токтолобуз деген ниети саясий сокурдук болмок;
Россия өзүнүн мыйзамдуу кызыкчылыктарын, Киевдеги улутчулдар мамлекеттик төңкөрүш аркылуу бийликти басып алган соң "террорчулар, адам эмес эле жаныбарлар" деп жарыялаган адамдардын мыйзамдуу кызыкчылыктарын коргоодо.
АКШ тууралуу:
Москвага Вашингтондун Россия менен ачык, адилеттүү диалог түзүүдөн баш тартканы байкалган жок. Россия менен АКШнын кезектеги консультациялары күздө өтөт;
Россия АКШнын Стратегиялык чабуулдук курал-жарактарды кыскартуу жөнүндөгү келишимге чектөө киргизүүдөн дагы бир жылга кармануу боюнча сунушка биринчи реакциясын көрдү;
Трамптын "кагаздагы жолборс" жөнүндөгү сөздөрү тууралуу: ачык дипломатияда түрдүү ыкмалар бар.
Жакынкы Чыгыштагы абал тууралуу:
Ирандын санкцияларды калыбына келтирүү механизмдери менен резолюцияга макул болушу - Тегерандын өзөктүк келишим талаптарын аткарууга ниети жоктугун дагы бир ирет тастыктайт;
Россия Иранга каршы чектөөлөрдүн кайрадан киргизилишин укуктук жактан натуура жана аткарууга да мүмкүн эмес деп эсептейт;
Медиатармактарда жазылган Газа тилкесин "жамааттык башкаруу" планы кезектеги резервациялардын түзүлүшүн гана эске салат.
