https://sputnik.kg/20250826/zhurnalistter-moskvadagy-kyrgyzstandyn-pavilonunda-bolushtu-1096106531.html
Журналисттер Москвадагы Кыргызстандын павильонунда болушту. Видео
Журналисттер Москвадагы Кыргызстандын павильонунда болушту. Видео
Sputnik Кыргызстан
Кыргызстандык журналисттер "Россияны тааны" ("Узнай Россию") долбоорунун алкагында Москвадагы маданий жайларды жана социалдык объектилерди көрүп чыкты. ЖМК... 26.08.2025, Sputnik Кыргызстан
2025-08-26T12:43+0600
2025-08-26T12:43+0600
2025-09-08T13:00+0600
кыргызстан
москва
вднх
павильон
мамлекеттик ипотекалык компания
журналист
долбоор
"евразия" уюму
видео
https://sputnik.kg/img/07e9/08/1a/1096106684_0:0:1920:1080_1920x0_80_0_0_7163c60a89b727725cdce7961c485eb5.jpg
Көргөзмө аянтча — СССРдин маданий мурасынын символдорунун бири. Кыргызстандын павильону 2017-жылы реставрация жана экспозициянын жаңы концепциясынан улам жабылган. Анын алкагында өлкөнүн маданияты менен тарыхы чагылдырылышы керек эле. Ал кайрадан былтыр сентябрдан тарта эшиги ачкан. Учурда бул жерде ресторан жана кыргызстандык продукциялардын дүкөнү иштейт. Москвадагы ВДНХ ичинде жайгашкан Кыргызстандын павильонунун жетекчиси Аниса Джеенбекова ачылгандан тарта павильонго кызыккандар көбөйгөнүн айтып берди. Павильондо кыргызстандыктардын ыңгайлуулугу үчүн Мамлекеттик ипотекалык компаниянын (МИК) бөлүмү да иштейт. Бул жерде мекендештерибиз турак жай алуу үчүн кезекке тура алышат. Күнүнө болжол менен 30 киши келип, керектүү документтерди толтуруп, өзүнүн кезегин күтөт. Москвадагы ГИК өкүлү Жазгүл Дүйшеева эки миңге чукул кыргызстандык арыз таштагандыгын айтты. "Бул жерде турак жайды эки программа боюнча алууга болот. Же үлүштүк программа менен акчанын 50 пайызын төлөйт, же жеткиликтүү турак жай программасы менен мамлекеттик банкка 30 пайызын топтойт. Кайрылгандар негизинен батирди Бишкекте алууну каалашат. Ошондой эле Жалал-Абад, Каракол жана Чолпон-Атада кезекке тургандар да бар", — деп түшүндүрдү Дүйшеева. "Евразия" — эл аралык кызматташтыкты өнүктүрүүгө багытталган автономдуу коммерциялык эмес уюм. Ал гуманитардык долбоорлорду жүзөгө ашырып, салттуу баалуулуктарды сактоого жана эл аралык байланыштарды өнүктүрүүгө салым кошот. "Евразия" коомдук маанилүү демилгелерди колдойт, ар кыл маданияттагы адамдардын бири-бири менен байланышууга мүмкүнчүлүк түзөт. Анын башкы багыттарынын бири — окуучуларды, студенттерди жана жаш адистерди колдоо. Долбоорлорунун арасында билим берүү программалары, тажрыйба алмашуу, ири мамлекеттик жана жеке компанияларда стажировкадан өтүү, медиамектеп бар. Муну менен бирге мектеп жана ЖОЖ окутуучулары үчүн кесиптик платформалар, журналист жана блогерлер үчүн гранттар, ишкерлер үчүн өнөктөш издөө жана продукцияны сатуу боюнча бизнес-миссиялар, тарыхты сактоо жана маданият багытындагы долбоорлор иштейт.Тема боюнча:
москва
вднх
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, москва, вднх, павильон, мамлекеттик ипотекалык компания, журналист, долбоор, "евразия" уюму, видео, видео
кыргызстан, москва, вднх, павильон, мамлекеттик ипотекалык компания, журналист, долбоор, "евразия" уюму, видео, видео
Журналисттер Москвадагы Кыргызстандын павильонунда болушту. Видео
12:43 26.08.2025 (Жаңыртылды: 13:00 08.09.2025) Кыргызстандык журналисттер "Россияны тааны" ("Узнай Россию") долбоорунун алкагында Москвадагы маданий жайларды жана социалдык объектилерди көрүп чыкты. ЖМК өкүлдөрү ВДНХ ичинде жайгашкан Кыргызстандын павильонуна да барышты.
Көргөзмө аянтча — СССРдин маданий мурасынын символдорунун бири. Кыргызстандын павильону 2017-жылы реставрация жана экспозициянын жаңы концепциясынан улам жабылган. Анын алкагында өлкөнүн маданияты менен тарыхы чагылдырылышы керек эле. Ал кайрадан былтыр сентябрдан тарта эшиги ачкан. Учурда бул жерде ресторан жана кыргызстандык продукциялардын дүкөнү иштейт.
Москвадагы ВДНХ ичинде жайгашкан Кыргызстандын павильонунун жетекчиси Аниса Джеенбекова ачылгандан тарта павильонго кызыккандар көбөйгөнүн айтып берди.
"Күнүнө эки миңге чукул киши келет. Майрам же дем алыш күндөрү, маселен, Жаңы жыл же май майрамдарында 9-10 миңге жетет", — деген ал.
Павильондо кыргызстандыктардын ыңгайлуулугу үчүн Мамлекеттик ипотекалык компаниянын (МИК) бөлүмү да иштейт. Бул жерде мекендештерибиз турак жай алуу үчүн кезекке тура алышат. Күнүнө болжол менен 30 киши келип, керектүү документтерди толтуруп, өзүнүн кезегин күтөт.
Москвадагы ГИК өкүлү Жазгүл Дүйшеева эки миңге чукул кыргызстандык арыз таштагандыгын айтты.
"Бул жерде турак жайды эки программа боюнча алууга болот. Же үлүштүк программа менен акчанын 50 пайызын төлөйт, же жеткиликтүү турак жай программасы менен мамлекеттик банкка 30 пайызын топтойт. Кайрылгандар негизинен батирди Бишкекте алууну каалашат. Ошондой эле Жалал-Абад, Каракол жана Чолпон-Атада кезекке тургандар да бар", — деп түшүндүрдү Дүйшеева.
"Евразия" — эл аралык кызматташтыкты өнүктүрүүгө багытталган автономдуу коммерциялык эмес уюм. Ал гуманитардык долбоорлорду жүзөгө ашырып, салттуу баалуулуктарды сактоого жана эл аралык байланыштарды өнүктүрүүгө салым кошот. "Евразия" коомдук маанилүү демилгелерди колдойт, ар кыл маданияттагы адамдардын бири-бири менен байланышууга мүмкүнчүлүк түзөт.
Анын башкы багыттарынын бири — окуучуларды, студенттерди жана жаш адистерди колдоо. Долбоорлорунун арасында билим берүү программалары, тажрыйба алмашуу, ири мамлекеттик жана жеке компанияларда стажировкадан өтүү, медиамектеп бар. Муну менен бирге мектеп жана ЖОЖ окутуучулары үчүн кесиптик платформалар, журналист жана блогерлер үчүн гранттар, ишкерлер үчүн өнөктөш издөө жана продукцияны сатуу боюнча бизнес-миссиялар, тарыхты сактоо жана маданият багытындагы долбоорлор иштейт.
