https://sputnik.kg/20250826/banderovduk-simvol-sunushuna-reaktsiya-bolorun-aytyp-korkuttu-1096102245.html
Киев Бандера символикасын фашизмге теңөөнүн арты жаман болорун айтты
Киев Бандера символикасын фашизмге теңөөнүн арты жаман болорун айтты
Sputnik Кыргызстан
БИШКЕК, 26-авг. — Sputnik. Украина Польшанын президенти Кароль Навроцкийдин Бандера символикасына тыюу салуу сунушунун кесепети болорун айтып коркутууда. Бул... 26.08.2025, Sputnik Кыргызстан
2025-08-26T10:41+0600
2025-08-26T10:41+0600
2025-09-08T12:28+0600
дүйнөдө
кароль навроцкий
украина
символ
реакция
коркунучтар
https://sputnik.kg/img/07e6/09/18/1068245809_365:928:2356:2048_1920x0_80_0_0_3e12fb16690734fd5b1cd2a351560afe.jpg
БИШКЕК, 26-авг. — Sputnik. Украина Польшанын президенти Кароль Навроцкийдин Бандера символикасына тыюу салуу сунушунун кесепети болорун айтып коркутууда. Бул тууралуу "Европейская правда" басылмасы дипломатиялык булактарга таянып жазганын РИА Новости билдирди. Буга чейин Польша лидери бандерачылардын символикасын фашисттик эн белги менен бирдей кароону мыйзам алкагында бекитүүнү сунуштаган. Президент мындай демилгени ишке ашыруу үчүн өзү мурда жетектеген Улуттук эс тутум институту жөнүндөгү мыйзамга өзгөртүүлөрдү жана толуктоолорду киргизүү керектигин айткан. Ал жакын арада мындай өңүттөгү мыйзамды өзү жазып, парламентке жөнөтө турганын убадалаган. Польшада украиндердин улутчул мүнөздөгү ар кандай кыймылдарынын символдоруна карата терс мамиле басымдуулук кылат. Мисалы, өткөн жекшембиде Варшавада иммиграцияга каршы акциянын катышуучулары Украин улутчулдар уюмунун кызыл-кара желегин эл алдында өрттөштү. Волынь кыргыны жана украин улутчул кыймылдарынын лидерлерине болгон мамиле Польша менен Украина ортосундагы эң татаал маселелердин бири бойдон калууда. 2016-жылы Польша парламентинин төмөнкү палатасы 11-июлду украин улутчулдары тарабынан II Польша Республикасынын тургундарына каршы жасалган геноцид курмандыктарын эскерүүнүн улуттук күнү деп таануу жөнүндө токтом кабыл алган. Сөз болуп жаткан массалык кыргын 1939-1945-жылдары украин улутчулдары тарабынан Волынь, Чыгыш Галиция жана II Польша Республикасынын түштүк-чыгыш аймактарындагы поляк калкына карата жасалган. Андан кийин Украинанын Жогорку Радасы Польша тараптын чечимин айыптаган билдирүү кабыл алган. Украин депутаттары бул чечим эки өлкөнүн саясий жана дипломатиялык достугуна коркунуч келтирет деп эсептешкен. Россиянын Тышкы иштер министрлиги Батыштагы русофобия толкунунун фонунда улутчулдукту даңазалап, тарыхты бурмалоо жана СССРдин фашисттик Германияны жеңүүдөгү ролун тарыхтан өчүрүү тенденциясы күчөп жатканын белгилеп келет.
https://sputnik.kg/20250825/zhumushsuz-ukrainalyktarga-zholok-pul-beruugo-karshy-chykty-1096093723.html
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, кароль навроцкий, украина, символ, реакция, коркунучтар
дүйнөдө, кароль навроцкий, украина, символ, реакция, коркунучтар
Киев Бандера символикасын фашизмге теңөөнүн арты жаман болорун айтты
10:41 26.08.2025 (Жаңыртылды: 12:28 08.09.2025) БИШКЕК, 26-авг. — Sputnik. Украина Польшанын президенти Кароль Навроцкийдин Бандера символикасына тыюу салуу сунушунун кесепети болорун айтып коркутууда. Бул тууралуу "Европейская правда" басылмасы дипломатиялык булактарга таянып жазганын
РИА Новости билдирди.
Буга чейин Польша лидери бандерачылардын символикасын фашисттик эн белги менен бирдей кароону мыйзам алкагында бекитүүнү сунуштаган. Президент мындай демилгени ишке ашыруу үчүн өзү мурда жетектеген Улуттук эс тутум институту жөнүндөгү мыйзамга өзгөртүүлөрдү жана толуктоолорду киргизүү керектигин айткан. Ал жакын арада мындай өңүттөгү мыйзамды өзү жазып, парламентке жөнөтө турганын убадалаган.
"Мындай чечимдердин укуктук жагын жана алардын Польшадагы украиналык жарандарга кандай таасир берерин талдап жатабыз. Украиналык символдорду улутчул фашизмдин символдоруна теңөө боюнча саясатташкан ар бир чечим украин коомчулугунда нааразычылык жаратып, реакция кылууну талап кылат", — деп билдирген дипломатиялык булак.
Польшада украиндердин улутчул мүнөздөгү ар кандай кыймылдарынын символдоруна карата терс мамиле басымдуулук кылат. Мисалы, өткөн жекшембиде Варшавада иммиграцияга каршы акциянын катышуучулары Украин улутчулдар уюмунун кызыл-кара желегин эл алдында өрттөштү.
Волынь кыргыны жана украин улутчул кыймылдарынын лидерлерине болгон мамиле Польша менен Украина ортосундагы эң татаал маселелердин бири бойдон калууда. 2016-жылы Польша парламентинин төмөнкү палатасы 11-июлду украин улутчулдары тарабынан II Польша Республикасынын тургундарына каршы жасалган геноцид курмандыктарын эскерүүнүн улуттук күнү деп таануу жөнүндө токтом кабыл алган. Сөз болуп жаткан массалык кыргын 1939-1945-жылдары украин улутчулдары тарабынан Волынь, Чыгыш Галиция жана II Польша Республикасынын түштүк-чыгыш аймактарындагы поляк калкына карата жасалган. Андан кийин Украинанын Жогорку Радасы Польша тараптын чечимин айыптаган билдирүү кабыл алган. Украин депутаттары бул чечим эки өлкөнүн саясий жана дипломатиялык достугуна коркунуч келтирет деп эсептешкен.
Россиянын Тышкы иштер министрлиги Батыштагы русофобия толкунунун фонунда улутчулдукту даңазалап, тарыхты бурмалоо жана СССРдин фашисттик Германияны жеңүүдөгү ролун тарыхтан өчүрүү тенденциясы күчөп жатканын белгилеп келет.
