https://sputnik.kg/20250824/yevropa-rossiya-ekonomika-sanktsiya-1096068811.html
ЕБ Киевге Россиянын тоңдурулган акчасынан түшкөн кирешеден 10,1 млрд евро бөлдү
ЕБ Киевге Россиянын тоңдурулган акчасынан түшкөн кирешеден 10,1 млрд евро бөлдү
Sputnik Кыргызстан
БИШКЕК, 24-авг. — Sputnik. Евробиримдик Россиянын тоңдурулган каражатынан түшкөн кирешеден Украинага 10,1 миллиард евро бөлгөн. Бул тууралуу Еврокомиссиянын... 24.08.2025, Sputnik Кыргызстан
2025-08-24T10:31+0600
2025-08-24T10:31+0600
2025-09-05T10:07+0600
дүйнөдө
россия
европа
экономика
антироссиялык санкция
акча
украина
https://sputnik.kg/img/07e6/06/03/1064929728_0:62:3280:1907_1920x0_80_0_0_4b88a65bed4496293d18f02ac639761e.jpg
БИШКЕК, 24-авг. — Sputnik. Евробиримдик Россиянын тоңдурулган каражатынан түшкөн кирешеден Украинага 10,1 миллиард евро бөлгөн. Бул тууралуу Еврокомиссиянын маалыматына таянып Welt am Sonntag басылмасы жазганын РИА Новости кабарлады. Маалыматка ылайык, бул — РФ Борбордук банкынын январдан июлга чейинки кирешеси. Брюссель бул каражатты өлкөдөгү аскерий жана жарандык долбоорлорду колдоого жумшап жатат. Март, май, июнь жана июль айларында Украина ай сайын 1 миллиард евродон алган, январда 3 миллиард, ал эми апрелде 3,1 миллиард евро бөлүнгөн. Бирок айрым саясатчылар, анын ичинде Европарламенттин коргоо комитетинин төрайымы Мари-Агнес Штрак-Циммерманн Киевге бир гана пайыздар эмес, бардык тоңдурулган активге жол ачуу зарыл экенин айтууда. Ал эми экономисттер мындай кадам дүйнөлүк каржы системасын оор кесепеттерге кептей турганын эскертип келишет. Россиянын Украинадагы атайын операциясынан кийин ЕБ жана G7 өлкөлөрү РФтин валюта резервиндеги 300 миллиард еврону тоңдурган. Анын 200 миллиард евродон ашыгы бельгиялык Euroclear компаниясынын эсептеринде турат. Москва буга жооп иретинде "дос эмес өлкөлөрдүн" инвесторлорунун активдерин жана кирешелерин "С" тибиндеги атайын эсептерге топтогон. Алар өкмөттүн атайын комиссиясынын чечими менен гана чыгышы мүмкүн. Россия ЕБдин аракетин "уурулук" деп атап, Брюсселдин максаты жеке адамдардын эмес, мамлекеттин активдерине кол салуу экенин билдирген. РФ тышкы иштер министри Сергей Лавров да эгер Батыш тоңдурулган активдерди тартып алса, Москванын да Россиядагы Батышка таандык каражаттарды кайтарбай коюу мүмкүнчүлүгү бар экенин айткан.
https://sputnik.kg/20250820/rossiya-ukraina-menen-suyloshposo-sanktsiya-salysharyn-aytyshty-1095980292.html
европа
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, европа, экономика, антироссиялык санкция, акча, украина
дүйнөдө, россия, европа, экономика, антироссиялык санкция, акча, украина
БИШКЕК, 24-авг. — Sputnik. Евробиримдик Россиянын тоңдурулган каражатынан түшкөн кирешеден Украинага 10,1 миллиард евро бөлгөн. Бул тууралуу Еврокомиссиянын маалыматына таянып Welt am Sonntag басылмасы жазганын
РИА Новости кабарлады.
Маалыматка ылайык, бул — РФ Борбордук банкынын январдан июлга чейинки кирешеси.
Брюссель бул каражатты өлкөдөгү аскерий жана жарандык долбоорлорду колдоого жумшап жатат. Март, май, июнь жана июль айларында Украина ай сайын 1 миллиард евродон алган, январда 3 миллиард, ал эми апрелде 3,1 миллиард евро бөлүнгөн.
Бирок айрым саясатчылар, анын ичинде Европарламенттин коргоо комитетинин төрайымы Мари-Агнес Штрак-Циммерманн Киевге бир гана пайыздар эмес, бардык тоңдурулган активге жол ачуу зарыл экенин айтууда. Ал эми экономисттер мындай кадам дүйнөлүк каржы системасын оор кесепеттерге кептей турганын эскертип келишет.
Россиянын Украинадагы атайын операциясынан кийин ЕБ жана G7 өлкөлөрү РФтин валюта резервиндеги 300 миллиард еврону тоңдурган. Анын 200 миллиард евродон ашыгы бельгиялык Euroclear компаниясынын эсептеринде турат.
Москва буга жооп иретинде "дос эмес өлкөлөрдүн" инвесторлорунун активдерин жана кирешелерин "С" тибиндеги атайын эсептерге топтогон. Алар өкмөттүн атайын комиссиясынын чечими менен гана чыгышы мүмкүн.
Россия ЕБдин аракетин "уурулук" деп атап, Брюсселдин максаты жеке адамдардын эмес, мамлекеттин активдерине кол салуу экенин билдирген. РФ тышкы иштер министри Сергей Лавров да эгер Батыш тоңдурулган активдерди тартып алса, Москванын да Россиядагы Батышка таандык каражаттарды кайтарбай коюу мүмкүнчүлүгү бар экенин айткан.
