https://sputnik.kg/20250715/nato-putindin-reaktsiyasyn-kutup-zhatat--1095315174.html
НАТО Трамптын билдирүүсүнө Путиндин реакциясын күтүп жатат
НАТО Трамптын билдирүүсүнө Путиндин реакциясын күтүп жатат
Sputnik Кыргызстан
БИШКЕК, 15-июл. — Sputnik. АКШнын НАТОдогу туруктуу өкүлү Мэттью Уитакер АКШ лидери Дональд Трамптын соңку билдирүүсүнөн кийин РФ президенти Владимир Путиндин... 15.07.2025, Sputnik Кыргызстан
2025-07-15T13:59+0600
2025-07-15T13:59+0600
2025-07-15T13:59+0600
дүйнөдө
акш
украина
россия
нато
дональд трамп
россиянын донбассты коргоо боюнча атайын операциясы
https://sputnik.kg/img/07e8/07/11/1087085657_0:0:3072:1728_1920x0_80_0_0_91cdea04df1aa06f38a1cf8f083cf05d.jpg
БИШКЕК, 15-июл. — Sputnik. АКШнын НАТОдогу туруктуу өкүлү Мэттью Уитакер АКШ лидери Дональд Трамптын соңку билдирүүсүнөн кийин РФ президенти Владимир Путиндин реакциясын күтүп жатканын айтты. Бул туурасында РИА Новости жазды. Кеп Ак үй башчысынын Украинага аскердик жардамы жана РФтин соода өнөктөштөрүнө каршы кошумча бажы алымдарын салууну айткандары туурасында жүрүп жатат. Уитакердин пикиринде, Трамптын европалыктардын эсебинен Киевге курал-жарак берүүсү Украинадагы чатакты бүтүрүү үчүн жасалган "кезектеги эң мыкты кадам" болуп калмакчы. Дүйшөмбүдө АКШнын Ак үйүндө НАТОнун башкы катчысы Марк Рютте менен жолуккандан соң Трамп журналисттерге Украина жакында 17 Patriot системасын аларын айтты. Бул куралдар азырынча пайдаланылбайт, бирок кармап турган бир өлкөдөн берилет деп кошумчалады. Бирок Трамптын билдирүүсүндо толук зениттик-ракеталык комплексти айтып жатабы же жокпу, түшүнүксүз бойдон калды. Буга чейин Трамп Украинага көбүрөөк курал жөнөтүүнү убада кылып, биринчи кезекте "коргонуу максатында" берилерин баса белгилеген. Axios порталы Трамп Украинанын дароо он Patriot системасын алат деп убада бергенин кабарлаган. Эскерте кетсек, дүйшөмбү күнү Трамп Россияга нааразы экенин айтты. Украина маселеси 50 күндүн ичинде жөнгө салынбаса ири көлөмдөгү бажы алымдарын киргизип, жылыш болбосо кайталанып киргизилген бажы алымы 100 пайызга жогорулатыларын жар салды. Анткен менен АКШ лидери жагдай буга жетпей оңолот деген үмүтүн да билдирген. Трамптын айткан-дегенинен кийин Ак үйдүн аткаминери президенттин билдирүүсүнө ылайык Москвага карата 100 пайыздык бажы алымы киргизилерин, ал эми Россиядан нефть сатып алган мамлекеттерге кошумча санкциялар каралганын түшүндүрүп берген. Россия санкциялык басымга туруштук бере аларын, Батыштын муну моюндоого кудурети жетпей турганын башынан эскертип келет. Рестрикция киргизген мамлекеттердин өзүндө да чектөө чаралары күтүлгөндөй таасир бербегени айтылууда. Россия Украинага Батыштын курал-жарак берүүсү кырдаалды жөнгө салбастыгын жана НАТО өлкөлөрүн чатакка катыштырып "от менен ойноп" жатканын улам кайталап келет. РФ ТИМинин жетекчиси Сергей Лавров Украинага делген жүктүн бардык түрү Россия үчүн мыйзамдуу бутага айланарын эскерткен.
https://sputnik.kg/20250715/tramptyn-rossiya-boyuncha-ajtkany-evropa--1095309397.html
акш
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, украина, россия, нато, дональд трамп
дүйнөдө, акш, украина, россия, нато, дональд трамп
БИШКЕК, 15-июл. — Sputnik. АКШнын НАТОдогу туруктуу өкүлү Мэттью Уитакер АКШ лидери Дональд Трамптын соңку билдирүүсүнөн кийин РФ президенти Владимир Путиндин реакциясын күтүп жатканын айтты. Бул туурасында
РИА Новости жазды.
Кеп Ак үй башчысынын Украинага аскердик жардамы жана РФтин соода өнөктөштөрүнө каршы кошумча бажы алымдарын салууну айткандары туурасында жүрүп жатат.
"Анын (Путиндин — ред.) бир нерсе дей турганы белгилүү. Европанын эсебинен америкалык куралдардын жеткиликтүү болушу эле эмес, андан мунай сатып алган Кытай, Индия жана башка мамлекеттерге бул төлөмдүн киргизилишине реакция кылат", — деп ал Fox News телеканалына интервью берип жатканда айткан.
Уитакердин пикиринде, Трамптын европалыктардын эсебинен Киевге курал-жарак берүүсү Украинадагы чатакты бүтүрүү үчүн жасалган "кезектеги эң мыкты кадам" болуп калмакчы.
Дүйшөмбүдө АКШнын Ак үйүндө НАТОнун башкы катчысы Марк Рютте менен жолуккандан соң Трамп журналисттерге Украина жакында 17 Patriot системасын аларын айтты. Бул куралдар азырынча пайдаланылбайт, бирок кармап турган бир өлкөдөн берилет деп кошумчалады. Бирок Трамптын билдирүүсүндо толук зениттик-ракеталык комплексти айтып жатабы же жокпу, түшүнүксүз бойдон калды.
Буга чейин Трамп Украинага көбүрөөк курал жөнөтүүнү убада кылып, биринчи кезекте "коргонуу максатында" берилерин баса белгилеген. Axios порталы Трамп Украинанын дароо он Patriot системасын алат деп убада бергенин кабарлаган.
Эскерте кетсек, дүйшөмбү күнү Трамп Россияга нааразы экенин айтты. Украина маселеси 50 күндүн ичинде жөнгө салынбаса ири көлөмдөгү бажы алымдарын киргизип, жылыш болбосо кайталанып киргизилген бажы алымы 100 пайызга жогорулатыларын
жар салды. Анткен менен АКШ лидери жагдай буга жетпей оңолот деген үмүтүн да билдирген. Трамптын айткан-дегенинен кийин Ак үйдүн аткаминери президенттин билдирүүсүнө ылайык Москвага карата 100 пайыздык бажы алымы киргизилерин, ал эми Россиядан нефть сатып алган мамлекеттерге кошумча санкциялар каралганын түшүндүрүп берген.
Россия санкциялык басымга туруштук бере аларын, Батыштын муну моюндоого кудурети жетпей турганын башынан эскертип келет. Рестрикция киргизген мамлекеттердин өзүндө да чектөө чаралары күтүлгөндөй таасир бербегени айтылууда.
Россия Украинага Батыштын курал-жарак берүүсү кырдаалды жөнгө салбастыгын жана НАТО өлкөлөрүн чатакка катыштырып "от менен ойноп" жатканын улам кайталап келет. РФ ТИМинин жетекчиси Сергей Лавров Украинага делген жүктүн бардык түрү Россия үчүн мыйзамдуу бутага айланарын эскерткен.
