Трамп АКШ менен ЕБ Киевге курал берүүнү макулдашканын айтты. Чоо-жайы
23:02 14.07.2025 (Жаңыртылды: 09:28 15.07.2025)
© AP Photo / Jacquelyn Martin
Жазылуу
БИШКЕК, 14-июл. — Sputnik. АКШ президенти Дональд Трамп НАТОнун башкы катчысы Марк Рютте менен жолугушууда Украина боюнча ультиматум койду. Бул тууралуу РИА Новости жазды.
Ал Киев режимине курал берерин жарыялады.
Трамптын айткандарынын негизги учурлары:
50 күндүн ичинде Украина боюнча келишим болбосо 100 пайыздык бажы төлөмдөр киргизилет;
Трамп Россияга "абдан нааразы" жана ага каршы 100 пайыздык соода тарифтерин киргизүүнү пландоодо. Ошондой эле анын мунайын сатып алган өлкөлөргө да катуу санкциялар салынат;
бажы төлөмдөрүн киргизүү үчүн Конгресстин макулдугу талап кылынбайт;
Ак үй АКШ Сенатында каралып жаткан Москвага каршы санкциялар тууралуу мыйзам долбоорунун зарылдыгына ишенбейт;
Украина боюнча келишим эбак түзүлүшү керек болчу, бирок ал дагы эле талкууланууда;
Вашингтон Украинада туруктуу тынчтык орнотууга кызыкдар;
Ак үй тарифтерди киргизүүгө жетпейт деп үмүт кылууда;
Трамп Путин менен тез-тез сүйлөшөрүн, алар "ар дайым абдан жагымдуу" болорун белгиледи;
Россиянын соода жаатында "укмуштуудай дарамети" бар.
Киевге курал берүү жөнүндө:
АКШ менен ЕБ америкалык куралды Киевге берүү боюнча макулдашты, анын чыгымдары Европанын мойнуна жүктөлөт;
курал-жаракты жеткирүү ишин НАТО менен Штаттардын альянстагы атайын чабарманы Уитакер колго алмакчы;
эми ракеталар эле эмес, Patriot да жөнөтүлөт;
бир катар мамлекеттер Киевге өздөрүндө турган Patriot системасын беришсе, ал эми АКШ алардын арсеналын жаңы комплекстер менен толуктамакчы;
Киевге курал-жарак берүү боюнча Европа менен макулдашуу Украинада тынчтыкты орнотууга "мүмкүнчүлүк берет".
