БИШКЕК, 14-июл. — Sputnik. АКШдан Украинага курал-жарак жана аскердик техника жөнөтүлүп эле жатат, бул дагы уланат. РФ президентинин маалымат катчысы Дмитрий Песковдун сөзүн РИА Новости жарыялады.
Бүгүн АКШнын президенти Дональд Трамп Вашингтон Киевге Patriot комплекстерин жөнөтө турганын жар салды.
"Кымбат дешкен, андан сырткары, дагы бир топ нерселер айтылган. Эми аларды (чыгымын — ред.) Европа тарап жабарын, тагыраагы, кээ биринин акчасын төлөй турганын, кайсы бирлерин төлөбөстүгүн айтышты. Бирок кийим-кече, Американын курал-жарагы, аскердик техникаларын Украинага жөнөтүү токтогон эмес, эми да улана бермекчи", — деп Песков журналисттердин бул жаатта берген суроосуна жооп берди.
4-июлда NBC телеканалы Украинага жардамды убактылуу токтотуу чечимин Пентагондун башчысы Пит Хегсет кабыл алганын кабарлаган. Ал эми CNN басылмасы бул чечим тууралуу Трампка алдын ала маалымат берилбегенин белгилесе, Associated Press окуя Ак үй башчысы үчүн күтүүсүз болгонун жазган. АКШ лидери кийинчерээк ким токтотконун билбей турганын айткан.
