КРСУ көз карандысыз "Билим–Стандарт" комиссиясынын аккредитациясынан өттү
КРСУ көз карандысыз "Билим–Стандарт" комиссиясынын аккредитациясынан өттү
Sputnik Кыргызстан
БИШКЕК, 20-мар. — Sputnik. Кыргыз-Россия Славян университети (КРСУ) көз карандысыз "Билим–Стандарт" комиссиясынын аккредитациясынан өттү. Бул тууралуу... 20.03.2025, Sputnik Кыргызстан
БИШКЕК, 20-мар. — Sputnik. Кыргыз-Россия Славян университети (КРСУ) көз карандысыз "Билим–Стандарт" комиссиясынын аккредитациясынан өттү. Бул тууралуу университеттин маалымат кызматы билдирди.Текшерүүнүн алкагында Кыргызстан менен жакынкы чет өлкөлөрдөн келген 22 эксперт КРСУнун билим берүү программаларынын улуттук жана эл аралык стандарттарга шайкештигин баалашты. Аккредитация алты факультеттин 16 кластердик багытына бириктирилген 30 программасын камтыды.Комиссиянын жыйынтыгы боюнча, университеттин билим берүү программалары эмгек рыногунун талаптарына жана эл аралык стандарттарга жооп берери айтылып, анын бүтүрүүчүлөрүнүн атаандаштыкка жөндөмдүүлүгү баса белгиленди."Көз карандысыз аккредитациядан өтүү жөн гана формалдуу жараян эмес, бул университеттин өнүгүүсүндөгү маанилүү этап. Ал билимдин сапатын тастыктоо менен гана чектелбестен, окуу программаларын өркүндөтүүгө мүмкүнчүлүк берет. Биз студенттерди даярдоо деңгээлин тынымсыз жакшыртып, заманбап чакырыктарды жана иш берүүчүлөрдүн талаптарын эске алууга умтулабыз", — деди ректордун милдетин аткаруучу Сергей Волков.КРСУ тараптан аккредитацияны уюштурууга жана коштоого эксперт Рахат Бейсебаев жигердүү катышты. Ал эксперттик комиссиянын сунуштары университеттин мындан аркы өнүгүү стратегиясына киргизилерин белгиледи.
БИШКЕК, 20-мар. — Sputnik. Кыргыз-Россия Славян университети (КРСУ) көз карандысыз "Билим–Стандарт" комиссиясынын аккредитациясынан өттү. Бул тууралуу университеттин маалымат кызматы билдирди.
Текшерүүнүн алкагында Кыргызстан менен жакынкы чет өлкөлөрдөн келген 22 эксперт КРСУнун билим берүү программаларынын улуттук жана эл аралык стандарттарга шайкештигин баалашты. Аккредитация алты факультеттин 16 кластердик багытына бириктирилген 30 программасын камтыды.
"Эксперттер окуу процессин ар тараптуу талдап, факультеттерди жана кафедраларды кыдырып, окутуунун деңгээлин, окуу программаларынын сапатын, кадрдык потенциалды жана университеттин иш берүүчүлөр жана бүтүрүүчүлөр менен болгон кызматташтыгын баалашты. Аккредитациянын жүрүшүндө окутуучулар, кызматкерлер, студенттер жана иш берүүчүлөр менен маектер уюштурулуп, адистерди даярдоо деңгээли жана алардын эмгек рыногундагы суроо-талаптуулугу объективдүү бааланган", — деп жазылган маалыматта.
Аккредитация алты факультеттин 16 кластердик багытына бириктирилген 30 программасын камтыды
Комиссиянын жыйынтыгы боюнча, университеттин билим берүү программалары эмгек рыногунун талаптарына жана эл аралык стандарттарга жооп берери айтылып, анын бүтүрүүчүлөрүнүн атаандаштыкка жөндөмдүүлүгү баса белгиленди.
"Көз карандысыз аккредитациядан өтүү жөн гана формалдуу жараян эмес, бул университеттин өнүгүүсүндөгү маанилүү этап. Ал билимдин сапатын тастыктоо менен гана чектелбестен, окуу программаларын өркүндөтүүгө мүмкүнчүлүк берет. Биз студенттерди даярдоо деңгээлин тынымсыз жакшыртып, заманбап чакырыктарды жана иш берүүчүлөрдүн талаптарын эске алууга умтулабыз", — деди ректордун милдетин аткаруучу Сергей Волков.
КРСУ тараптан аккредитацияны уюштурууга жана коштоого эксперт Рахат Бейсебаев жигердүү катышты. Ал эксперттик комиссиянын сунуштары университеттин мындан аркы өнүгүү стратегиясына киргизилерин белгиледи.
![Кыргыз-Россия Славян университети (КРСУ) көз карандысыз "Билим–Стандарт" комиссиясынын аккредитациясынан өттү - Sputnik Кыргызстан](https://sputnik.kg/img/07e9/03/14/1092767893_1:0:1279:852_600x0_80_0_0_8ac1ee044516a2bb784c5dcb3f140d8c.jpg.webp "Кыргыз-Россия Славян университети (КРСУ) көз карандысыз "Билим–Стандарт" комиссиясынын аккредитациясынан өттү")
