Путин менен Трамп эки сааттан ашуун сүйлөштү. Кремль менен Ак үйдүн билдирүүсү
00:36 19.03.2025 (Жаңыртылды: 13:03 19.03.2025)
© Sputnik / Михаил Метцель
/ Жазылуу
БИШКЕК, 19-мар. — Sputnik. Россия менен АКШ президенттери Владимир Путин жана Дональд Трамп телефондон сүйлөшүп, бир катар маселелерге токтолушту.
Президенттер телефондон эки сааттан ашуун сүйлөшкөн. Дүйнөлүк ЖМКлар баарлашуу “абдан жакшы” өткөнүн кабарлады.
Кремль сүйлөшүү тууралуу:
Лидерлер Россия менен АКШнын алакасын жакшыртуу зарыл экенин белгилешкен;
Россия 30 күндүк элдешүү демилгеси боюнча согуш болгон аймактардын бардыгында ок атышууну токтотууну көзөмөлдөө маанилүү экенин билдирген;
Ошондой эле Россия убактылуу элдешүүдө Украина мажбурлап мобилизация жүргүзүүнү жана куралданууну токтотушу керектигин айткан;
Украинадагы абалды жөнгө салуу боюнча эки өлкөнүн эксперттик топтору иш алып барууда;
Путин Трамптын Россия менен Украинанын энергетикалык инфраструктурасына чабуул коюуну 30 күнгө токтотуу идеясын колдоп, аскерлерге буйрук берген;
Путин Трампка Москва Киевге жарадар болуп Россияда дарыланып жаткан 23 украиналык аскерди өткөрүп бере турганын билдирген;
Лидерлер экономика жана энергетика тармагында бир катар идеяларды талкуулашкан;
Трамп Путиндин АКШ менен Россиянын хоккейчилеринин ортосунда мелдеш уюштуруу идеясын колдоду;
Президенттер байланышты улантууну макулдашкан.
Путин менен Трамптын сүйлөшүүсүнөн кийин Ак үй да билдирүү таратып, Россия менен АКШнын мамилесинин келечеги “ири экономикалык келишимдерди” жана геосаясий стабилдүүлүктү камтый турганы айтылды.
Ак үй сүйлөшүү тууралуу:
Россия менен АКШнын мамилесинин келечеги “ири экономикалык келишимдерди” жана геосаясий стабилдүүлүктү камтыйт;
Лидерлер сүйлөшүүнүн жүрүшүндө Украинада ок атууну токтотуу зарылдыгын белгилешти;
Путин менен Трамп Украинадагы абалды жөнгө салуу энергетика жана инфраструктурага чабуулдарды токтотуудан башталарын бирдей белгилешти;
Президенттер Кара деңиздеги элдешүү боюнча сүйлөшүүлөрдү Жакынкы Чыгышта “тез арада” баштоону макулдашышты;
Лидерлер АКШ — Россиянын жөнгө салынган алакасынын келечеги кең экенине макул болушту;
Россия менен АКШнын мамилесинин келечеги “ири экономикалык келишимдерди” жана геосаясий стабилдүүлүктү камтый турганы айтылды;
Лидерлер стратегиялык куралдануунун жайылышын токтотууну талкуулашты;
Путин менен Трамп Иран эч качан Израилди жок кылып кое турган позицияда болбошу керек деген пикирге келишти.
