https://sputnik.kg/20250315/atalar-kunu-prezident-kuttuktoo-1092655083.html
Кыргызстанда алгачкы ирет Аталар күнү белгиленүүдө. Жапаровдун куттуктоосу
Кыргызстанда алгачкы ирет Аталар күнү белгиленүүдө. Жапаровдун куттуктоосу
Sputnik Кыргызстан
БИШКЕК, 15-мар. — Sputnik. Президент Садыр Жапаров бүгүн, 15-мартта, кыргызстандыктарды алгачкы ирет белгиленип жаткан Аталар күнү менен куттуктады. 15.03.2025, Sputnik Кыргызстан
2025-03-15T10:59+0600
2025-03-15T10:59+0600
2025-03-16T12:05+0600
садыр жапаров
аталар күнү
куттуктоо
майрам
https://sputnik.kg/img/07e8/03/08/1083264847_0:300:2048:1452_1920x0_80_0_0_2d8ea6cdaeb62443fee764c98e5510e2.jpg.webp
БИШКЕК, 15-мар. — Sputnik. Президент Садыр Жапаров бүгүн, 15-мартта, кыргызстандыктарды алгачкы ирет белгиленип жаткан Аталар күнү менен куттуктады.Өлкө башчы мыйзамды демилгелеген ЖК депутаттарына ыраазычылыгын билдирген. Ал Ата Мекен, Ата Журт, Ата Конуш, журт атасы деген ыйык жана бийик сөздөрдү, “Атанын назарын сындырба”, “Атага наалат айттырба”, “Ата сыйлаган абийир табат”, “Атанын сөзү ок...” деген накыл кептерди эске салган. Ал эми көп элдерде кездешпеген, кыргыз элине гана мүнөздүү “жети ата” түшүнүгү өзүнчө бир философия экенин эч ким тана албастыгын айткан."Билгенге ата болуудан оор озуйпа жок. “Ата” деген сөздү угуунун өзү эле эмне деген сыймык жана эмне деген сыноо! Мына ушул улуу сөзгө татыктуу болуп жашоо – ар бир атанын көздөгөн мүдөөсү. “Уул-кыздарым ата тарбиясы менен эне мээримин алган адам болуп чыкса экен” деген аруу тилек, асыл максат менен жашап, эл алдындагы аталык парзын аткарууга жан үрөйт. Ошол үчүн аталар үй-бүлөсүнө кам көрүп, балдарын ыймандуу кылып тарбиялоого, татыктуу билим берүүгө жана мекенчил атуул кылып чыгарууга бүткүл күчүн жумшайт", — деген өлкө башчы.Президент ар бир үйдүн аскар тоосу кулабашын тилеп, аталарды ардактап сыйлоого, кадырман карылыкка жетишине кам көрүүгө чакырган.
https://sputnik.kg/20250223/statistika-mayram-erkekter-bishkek-1092235354.html
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
садыр жапаров, аталар күнү, куттуктоо, майрам
садыр жапаров, аталар күнү, куттуктоо, майрам
БИШКЕК, 15-мар. — Sputnik. Президент Садыр Жапаров бүгүн, 15-мартта, кыргызстандыктарды алгачкы ирет белгиленип жаткан Аталар күнү менен куттуктады.
"Үй-бүлө институтун чыңдоодо атанын жоопкерчилиги жогорулаган бүгүнкү заманда Аталар күнүнүн белгилениши — учурдун талабы. Эзелтен эле элибизде атаны аскар тоого теңеп, даңктап-даңазалап келишкен. Тарбия башаты болгон эне кут төгүлгөн үй болсо, атаны ошол үйдүн түркүгү, тирөөчү, калканычы жана коргоочусу экенин таасын белгилешкен. Мына ошол сый-урмат бара-бара адат-салтка, нарк-насилге айланып, элибизде ата менен эненин орду бийик белгиленип келет", — деген Жапаров.
Ал Ата Мекен, Ата Журт, Ата Конуш, журт атасы деген ыйык жана бийик сөздөрдү, “Атанын назарын сындырба”, “Атага наалат айттырба”, “Ата сыйлаган абийир табат”, “Атанын сөзү ок...” деген накыл кептерди эске салган. Ал эми көп элдерде кездешпеген, кыргыз элине гана мүнөздүү “жети ата” түшүнүгү өзүнчө бир философия экенин эч ким тана албастыгын айткан.
"Билгенге ата болуудан оор озуйпа жок. “Ата” деген сөздү угуунун өзү эле эмне деген сыймык жана эмне деген сыноо! Мына ушул улуу сөзгө татыктуу болуп жашоо – ар бир атанын көздөгөн мүдөөсү. “Уул-кыздарым ата тарбиясы менен эне мээримин алган адам болуп чыкса экен” деген аруу тилек, асыл максат менен жашап, эл алдындагы аталык парзын аткарууга жан үрөйт. Ошол үчүн аталар үй-бүлөсүнө кам көрүп, балдарын ыймандуу кылып тарбиялоого, татыктуу билим берүүгө жана мекенчил атуул кылып чыгарууга бүткүл күчүн жумшайт", — деген өлкө башчы.
Президент ар бир үйдүн аскар тоосу кулабашын тилеп, аталарды ардактап сыйлоого, кадырман карылыкка жетишине кам көрүүгө чакырган.
