Статком кыргызстандык эркектер тууралуу кызыктуу маалыматтарды жарыялады
Жазылуу
БИШКЕК, 23-фев. — Sputnik. Улуттук статистика комитети 23-февраль — Ата Мекенди коргоочулардын күнүнө карата өлкөдөгү эркектер тууралуу маалыматтар менен бөлүштү.
2025-жылдын башында эркектердин саны 3,6 миллионго жетип, бул жалпы калктын 49,5 пайызын түздү.
Эркектердин үчтөн экиси айылда, ал эми ар жетинчиси Бишкекте жашайт.
2023-жылы эмгекке жарамдуу курактагылардын 77 пайызы иш менен камсыз болгон. Иштеген эркектердин орточо жашы — 38. Иштеген ар жетинчи эркек — 30-34 жаштагы жаран.
Негизинен курулуш, транспорт, кен казуу жана энергия менен камсыздоо тармактарында иштешет.
2023-жылы 45,5 миң эркек үйлөнгөн. Көпчүлүгү 20-29 жаш аралыгында үй-бүлө курат. Биринчи никеге туруунун орточо жашы 27 жаш 6 ай болсо, экинчиси 40 жаш 2 ай болгон.
Эркектер мамлекеттик башкаруу органдарында да (57,9 пайыз), жергиликтүү өз алдынча башкаруу органдарында да (62,7 пайыз) көпчүлүктү түзөт.
